مشتهيه وحده تكون صريحه

الله يكون فالعون ويهدي الجميع يارب
انا مع رايك بس احنا هنا موقفنا صعب انتي ماتدرين عن ظروف كل وحده بعدين كل حرمه تقرا المشاكل والحلول اعتقد انها ادرى كيف تحل مشكلتها يعني المفروض الوحده اذا صار عندها مشكله تحكم عقلها وماتخذ اي راي حتى لو تشوفه واقعي وسليم بس يمكن مايصلح مع وضعها او يؤدي الى الاسوء لا سمح الله
مشكوره حبيبتي عالموضوع واتمنى يكون رائيي واضح
وجزاك الله خير

ليه تعتبري محاولة الصلح بعقلانية وبدون افتعال المشاكل وتكبيرها عدم صراحة على العكس
ليست كل الردود كما دونتِ عزيزتي
لسنا من نريد ان تكون لمن لديها مشكلة كرامة على العكس
لعل الكثيرات الصلح هو الغاية وهن مثابات عليه
اضافة الى اننا نقرأ الموضوع والمشكلة من جانب واحد
والله اعلم بالجانب الأخر لذا لا نريد ان نيزد الطين بلة
ولا نريد ان نظلم الجانب الأخر لأننا لم نستمع لرأيه ولم نعرف موقفه
لا تتسرعي في الحكم على نفسية الأخوات وردودهن
فمن تكون سبب لتأجج المشكلة ستكون محاسبة امام الله في خلق وتوليد مشكلات اكبر من انفصال وتفرق زوجان وتشتت اطفال
الصلح خير
وهذا ماترغب به الكثيرات
والصلح الحقيقي مايكون بتعقل واتزان ومناقشة وايجاد الحلول للمشكلة بجوانب متعددة تتضمن حفظ كرامة الزوجة وتعقلها في فهم واستيعاب الأمور والمواقف
فكم من عجلة ورثت حسرة وندامة
اعتذر لصراحتي لكن هذا رأيي
لك مني جل الأحترام
واحترام لكل من تحاول الصلح بين الزوجين ......
سلامي........

عزيزتي

فيه بعض الحريم تستاهل الضرب عشان تتأدب ولما نشوفها غلطانه نقول أجلسي في بيتك وتحملي اللي يجيك
خصوصا انو رب العالمين أباح هالشي عشان تتأدب المرأه هذا شي
ولعلمك الحرمه هي تجيب الضرب لنفسهااااا
لكن لو كانت مسويه الي عليها وتداري رجلها مستحيل يفكر يمد يده

الشي الثاني بعض الحريم تشتكي ووووو وأخر شي تقول مابي أتطلق معي عيال وأهلي مابيتحملو مصاريفي أنا وعيالي الحل الأمثل لها تجلس في بيت رجلها دام الطلاق مو حل يعني هي بس تبي تفضفض وكل وحده ضروفها تختلف عن الثانيه وهي أدرا بمصلحتها
لكن لما يكون الزوج يزني أو مايصلي أو مدمن يعني أشياء كبيره زي كذا لها الحق تتطلق

والكرامه مافي كرامه بين الزوجين ياما حريم أنظربو من أزواجهم وسامحوهم وماحد من الناس درا عنهم وهي سامحته بينها وبينه وانتهى الموضوع ماقالت كرامتي وكرامتي وعلى فكره البيوت أسرار ومابتلقين وحده تقول أنضربت وسامحت زوجي

واذا عندك قصه معينه هاتيها ومافي مانع نتناقش لأنو لكل قصه ظروفها

أتمنى ماكون طولت عليك ياقمـر

انا معاك في اللي قلتيه اختي ..

بس المشكله هنا ماهي بنصايحنا .. الحل في مثل هالقضايا خلاص ماعاد يفيد ..

سواء قلنا لها تقاضي وانسي او قلنا لها شيلي قشك و اطلعي ..

من وجهة نظري الشخصيه كزوجه مر على زواجي اكثر من 10 سنوات .. فانا اشوف

ان الحلول المقترحه سواء بالايجابيه او السلبيه مهب من السهوله انها تنفع خصوصا اذا

المشكله صارت مع زوجين تزوجوا من سنوات و بينهم اطفال ..

المفروض الحل يصير قبل وقوع المشكله .. المفروض يصير في ثقافه و تنبيه للزوجه قبل

لاتطيح في هالمشاكل .. المفروض تتعلم وشلون تتعامل مع الرجل وتكون على بينه باساليب

في التعامل تحفظ لها كرامتها و حقوقها ..

اما انها تذل نفسها و تتقاضى عن حقوقها و بعد كم سنه تجي تبي حل .. لا صعب !!

او انها تصير فرعون و تتأمر و هذا مابيه و امك قالت واختك فعلت وتخسر محبته و بعدها تندم ..
هم هالشي صعب تصلحه ..

يابنات الحياه الزوجيه مهيب حقل تجارب .. الحياه الزوجيه عالم جديد لابد اننا نتعلم كيف نبدأ بالصحيح من اجل ان نعيش حياه سعيده مليئه بالموده والرحمه .. كما قال ربنا في كتابه الكريم ..

ادري اني طولت و اني خرجت عن الموضوع .. بس من زود المشاكل اللي اقراها ودي ان

كل بنت مقبله عالزواج تدخل هالعالم و هي على استطاعه بان تعيش سعيده وعلى مقدره بمواجهة المشاكل و حلها من خلال تعويد الزوج على احترامها و تقديرها

لان المثل يقول (( ولدك على ماربيتيه وزوجك على ماعودتيه )) !!

حبيبتي على حسب الوضع بعض المشاكل تكون مو لدرجة سفك الكرامه ممكن مشكله بيدها حلها ممكن تكون اول مره يصير فيها الضرب ويرجع الزوج ويعتذر عشان تحافظ على بيتها لازم تصبر اما اذا تعودرفع اليد والاهانه انا معك المفروض ماتسكت له وبيني وبينك الزوج من اول مره يمد يده اذا مابينت له انها زعلت راح يتمادا ويلاقيها اسهل طريق للعقاب لازم من اول مره تززعل وتبين له انه مو اسلوب لتعامل بس بعضهم الله يكون بعونهم تكون مغلوبه على امرها لا عندها اهل تسندها ولا تقدر تترك البيت له مالها الا الصبر