بنات بنتي بتسافر معي وش الحل

ردووووووووووو تكفون

شوفي انتي لاتحطين ببالك ان السفره بتطلع مو زينه اذا صارت معك بتتك بالعكس حاولي تستانسين أكثر ولا تأجلين السفره عشانها حرااااااام وحاولي معها انها تجلس واوعديها بشي مثلا تجيبنه لها واذا رفضت عاد وش تسوين بس روقي وخذي الامور عاااادي والله يوفقك ويسعدك بسفرتكم ويرجعكم سالمين..
معليش تراني مااعرف بأمور البزارين بالسفر توي بنوته بس حبيت أعطيك رايي...

حبيبتي هونيها وتهون
صدقيني لو رحتي بدونها ماراح تتهنين
في كل لحظة بتفكرين فيها
انتي اهم شي تغيرين سياستك معها لان اسلوب الصياح والتبطح عالارض بيتعبك كثير
واول شي تاخذينه من سيتي بلازا او من تويز ار اس الحزام اللي يربط يد الطفل بالام عشان لا تضيع باسم الله عليها وتاخذين العربية طبعا وكثري غياراتها ولاتنسين البامبرز
واشياء تسكتها مثل البسكوت والعصاير
وماشاء الله كبيرة اغراضها مو كثير مثل البيبيات اكلها من اكلكم والحليب طبعا لاتنسينه
واهم شي خذي معك ادوية خافض حرارة وميزان حرارة واذا هي لها ادوية معينة من غير شر
وخذيلها لعبتها المفضلة وشي يسكتها في العربية

وان شاء الله تنبسطوون
تروحون وتجون بالسلامة

:)

اذا رحتي فيها تبي تتعبين
واذا خليتيها تبي تتعبين زود

نصيحتي

اجلي السفر شوي لحد ماتكبر

اسئلي مجرب
حرام مصاريف سفر ومحسوب عليك مسافره وانتي بلشانه بهالبنت
اصلا تعب عليها وارهاق اذا اخذتيها
واذا خليتيها ماتأمنين البيبي ستر
ولو جزمتي وجبتي بيبي ستر بتقعدين طول وقتك تفكرين فيها عسى ماصار شي


صدقيني

اجلي السفر لحد ماتكبر وتعقل

لا بلعكس ليش تقولين ماراح تنبسطين بلعكسسسسسسسسس

وخاصه اذا انتم متعلقين ببعض والله اذا خليتيها مراح تستانسين

لا خوذيها وعلى قول وحده من الخوات لاتنسين الحزام اللي تحطينها بيدها ويدك عشان اذا بغت تمشي وتلعب

وخوذي لها اللعاب جديده ماتعرفها عشان اذا جلست بالعربه تلها بالالعاب

لاتنسين الحليب والبسكويت وزبادي وكاسترد للطياره

ومسكن للحراره وترمومتر<< هذا يكون بشنطه اليد

ملابس وعلى حسب المكان اللي بتروحين لانه الشتاء على الابواب اهم شي البجايم الطويله القطن اللي مغطى الرجول عشان اذا طلعتوا بالليل تلبسينها اياه تحت لبسها

وش بعد
ايه الكاسات حقت المويه والعصير حق الاطفال عشان ماتجلس تكبكب على روحها وتبهذلك وبعد مريله عشان اذا اكلت ماتوصخ

بعد كريم حق الحرقان الحفاظات اذا تسنن خوذي عظاظه والاشياء اللي تستخدمين لها

طبعان بلستر (لصقات جروح) وفكس

ولاتشيلين هم انك تنسين شي لانه كل شي متوفر بكل مكان

والله يساعدكم وتتهنون