بنات انا خلاص تعبت وكاتبه هالموضوع من القهر
ابي مشروع
ابي مشرووووع..نفسي اصير تاجره تهىء تهىء
عصرت مخي ابي فكرة مشروع جديده ومن زود التفكير ضربت فيوزاتي وفوق كذا ماطلع معي شي
عندي فلوس لاهي كثيره ولا هي شوي..لاهي شوي العب فيها ولا هي كثيره افتح فيها مشروع كبير
ومابغى مشروع يطلعلي 2000 معليش بتقولون عني طماعه بس مابغى الفين اشوف ناس يطلعون ملايين من مبلغ قليل ((اذا كانت الفكره جديده))
وتطلبين فكره جديده في المنتدى ومالقيت افكار معقوله
ولا تجيك وحده تقولك عندي فكره جديده بس اذا تبينها راسليني على الخاص
وتتعبين وتنتظرين وتشحذينها الفكره اخر شي تطلع فكرتها خياليه ولا مغبره
ولا تجيك وحده تقولك بقولك فكره بس تدفعين!! ادفع!!! ادفع عشان فكره في راسها ما ادري هي تنجح ولا لا؟؟ <<بدون تعليق
طبيت الاسهم ونجحت فيها لكن من بعد ولادتي قبل كم شهر ماقدرت اتفرغ لها وتركتها وبعدين شيبت شعري واتلفت اعصابي
زوجي راتبه حلو بس انا ابي دخل اضافي وابي احافظ على فلوسي واستفيد من وقتي واشتغل
وللامانه زوجي موقف معي ومشجعني اتاجر يقولي سوي اللي تبينه بس اهم شي تجيبين لنا فلوس
نهايته بعد جهدن جهيد فكرت اشتغل مصممة ازياء يعني افصل فساتين طلعه وابيعها عن طريق النت
لاني كل ما افصل فستان كلن يسالني عنه وربي ما اكذب
واللي خلاني افكر بهالشي اني كنت اتصفح بعض المواضيع واتفرج على الفساتين اللي فيها
يقولون خيال وبتكونين نجمة الحفله ولما اشوفه احسه عادي او عاري زياده عن اللزوم او بداوي
ورغم هذا اشوف عليه اقبال..قلت ليه ماصير زيهم اصمم وافصل وابيع ونا في البيت
هاه شرايكم؟؟ فكره صح <<لا يكثر
وحده من ثنتين يا تشجعوني عالفكره يا تعطوني فكره غيرها
ونا متاكده انو في كثير بنات مثلي عصرو مخهم ومالقو شي وهذا من خلال قرائتي للمواضيع في ركن سيدات الاعمال <<عقبال ما اصير منهم
ملاحظه بالبنط العريض لا تقولون لي افتحي مغسله ولا محل فوقل وتميس لو سمحتو بليز<<طراره وتتشرط
الله الله بالردود اللي تبرد القلب وتثلج الصدر
تحياتي للجميع

حبيبتى اقرائى توقيعى والمكسب باول شهر حيكون 15 الف ريال لانى درست كل المشاريع
وحبيبتى انا بعطيكى نبذة كبيرة عن الفكرة وانتى تحكمى يعنى ما بخذ فلوس بدون ما اعطيكى فكرة عامة عن المشروع ولو عجبك وقتها باخد منك المبلغ وارسلك التفاصيل الممل وانا حتى الان 3 اخذوا منى افكار الحمدلله وجدا عجبتهم وانا بحب جدا الابتكار فاذا حبيتى بلغينى وانا تح امرك
8
8
8

ممكن الفكره .. لو سمحتي اختي

السموحه من صاحبة الموضوع ع القطه
يارب احفظ لي فلذة كبدي
يالغاليه مابغيت ادخل وماارد بس انا بقولك تجربتي فالتجاره واحسها نفعت معاي
حاليا انا امسك مبالغ بنات واتاجر فيها والله العالم انها مبالغ بسيطه في حدود ال1000 ريال
لكن الحمد لله اخذ بضايع بالجمله واوزعها على مندوبات يساعدوني بالتسويق والحمد لله احس ان الطريقه ناجحه معاي .... يعني لو اخذت بضاعه بقيمة 200 ريال بالجمله ابيعها بالمفرد واكسب منها بحدود 400 ريال ممع راس المال وكذا كذا بيكبر راس المال باذن الله .. التاجره يبي لها مجهود والله العالم
شدي حيلك وفكري بالمعقول باذن الله ربي بيكون معاك خيتو
والله يوفق الجميع بأذن الله


الساعة الآن 10:04 .