فجر

اذا عندك هواية التصميم صممي ترااا ماشي سوق التصميم وجربي قبل الصيف

عشان مايجي الصيف الا وانتي مشهوره .. بس المهم تدورين لك خياااط يعرف يخيط مو هندي والا بنقالي .. احسن شي الفلبينيين

.........

انا عندي فكره بس صعب تنفيذها

نفسي اسوي مخلطات .. لكن لما بحثت ودورت تتكون من ايش .. لقيت من مكوناتها الكحول

وهالكحول من وين اجيييييييبه ؟؟

سألت بائع في حامل المسك .. قالي هالماده موجوده بالمصانع روحي يمكن يبيعونك

خخخخخخخخخخخ

وقلت لأخوي قال خلاص انا بروح واشوف اذا عطوني .. بس المكسب النص بالنص

خخخخخخخخخخخخخخ

وللآن مابديت والله .. لأنها تحتاج راس مال وثاني شي بشوف اقدر ادبر الكحول والا لا

هذي فكرتي .. ولو قررتي تنفذينها وقدرتي تجيبين الكحول عطيني معك خخخخخخخخخخخخ

والله يوفقك ويووفق كل البنات .. ويرزقنا من حيث لانحتسب

......


رشا ياليت تعرضين لنا بعض التصاميم والاسعار

بانتظارك ..
20-10-1428 هـ, 04:23 صباحاً
 
شعرة معاويه لا يضيق صدرك ياقلبي
بالنسبه لي ابي اتاجر لان نفسي منى عمري اصير سيدة اعمال<<تخب عليك
واحب التجاره وعندي هوايات شكثر اعرف اصمم واعرف ارسم واعرف احط مكياج وشغل الكوافيرات كله اعرفه
وعان مافي وظايف متوفره وبشكل مريح حسيت مالي الا الاعمال الحره
دوام على كيفك وبعدين ابي دخل اضافي طلباتي واجد وزوجي مو ملحق عليها
والحمدالله عندي رويس مال وما ابغاه يضيع...
احسن من التدريس يعني الوحده مايسوى عليها تطلع من بيتها وتخلي عيالها وتجيب شغاله عشان تمسكهم مقابل 1700 ولا 2000 تقولين نشحذهم واصلا حتى لو تبين بهالمقابل مافيه
تخيلي مره دقيت على المدرسه اللي جمب بيتنا ابغى وظيفه قبل ما اولد قلت اسلي نفسي ياحبة عيني وسالت وش مؤهلاتي بعدين قالت مانبغا هالمؤهلات وسكرت في وجهي!!!
لهدرجه صارو مستهترين فينا؟؟
وبالنسبه لجارتنا بحاول اسال امي تجيب الخبر منها ولا يهمك اذا عرفت ماراح اقصر

ام رشا
الف شكر لك

غموض
وش قصدك بخلطات؟؟ قصدك خلطات الغرف ولا خلطات عطور عاديه؟؟
اذا قصدك خلطات عطور دهنيه للفرش ماقد سمعت انها تحتاج لكحول
اهلي يسوون خلطات للفرش تجنن بس لنفسنا نسويها مانبيعها
ومعمول من وحده دوسريه برضه خيال لكنه غااااالي يعني تخيلي غرشة التانج ب400
بس ريحته ثابته وحلوه وتفرقينه عن باق الدخون
واذا انتي من جده فيه سوق البلد وسوق اظن اذا مو غلطانه اسمه بانافع يبيع عطور دهنيه بالجمله ورخيصه يعني ماعليك الا تخلطين

تحياتي
20-10-1428 هـ, 07:22 صباحاً
 
والله انك ضحكتيني
وحزتيني
انا عندي نفس الدافع اللي عندك
بس ما عندي فلوس
لا وازيدك من الشعر بيت انا زوجي<<< هههه ياحليله هذا
اذا قلتله مشروع يقولي الحمد لله والشكر ما انتي صاحيه ايش مشروعه
افلحي بنفسك بعدين روحي تاجري
بس ابشرك وانا اوخيتك ماطقن فيوزاتي للحين
هههههههههههه
واوعدك لمن تطري على بالي فكره راح ابيعها قصدي اعرضها عليك
وربي يوفقك ويوسع لكم برزقكم اللهم امين
20-10-1428 هـ, 07:45 صباحاً
 
الجوهره
اذا زوجك كذا اصبري شويين وتضرب فيوزاتك هههههههه
ياشين الرجال اللي مايشجعون مواهب حريمهم
بكره اذا صرتي تاجره لا تعطينه ولا قرش جزاء له وردعن لامثاله
يالله مخمخي وعطينا فكره من صارة افكارك النقيه

تصدقون عاد يابنات
في فكره تصول وتجول في راسي وكل ما اشيلها واحس انها فاشله ترجع تجيني مرتن ثانيه
ولما قلت لاهلي عن الفكره بعضهم تحمسو وبعضهم قالو ماش ماتصلح ماراح يكون فيه اقبال ومن هالكلام المحبط
بس انا احس انها مضبوطه بس يبغالها دراسه
اذا درستها زين مازين باخذ رايكم فيها ويمكن افرد لها موزوعن لحالها
تحياتي
20-10-1428 هـ, 10:22 صباحاً
 
عندي مكياج وحابة اوزعة على مندوبات والدفع اجل اللي تحب تراسلني
20-10-1428 هـ, 04:53 مساءً
 


الساعة الآن 09:55 .