قبل أكثر من عام نزلت موضوع عن بيتي ونال بحمدالله اعجاب البنات
وكلهم بلا استثناء قالوا (( ماشاء الله )) ودعوا لي بالبركه ...وهذي عندي
أهم من الأشاده بالطبع ... حتى انه جائتني رسائل على الخاص لا تعد
المهم اني وريت( ابونا ) هالرسايل الي جتني عالخاص ..وأصدر
قراره التاريخي (( بلا حواء بلا خرابيط ...حنا ناقصين عيون خلق الله!!)
والسبب طبعا وحده مرسله على الخاص تقول عندي سؤال يا خوخه :-
كم شغاله عندك ؟؟ ههههههههههه ( يعني تنكت !! )
قسم ما احاكيكم الى الصدق :) ومن هاك التاريخ توقفت عن ركن الديكور
في المنتدى ورجعت من كم يوم للمشارك كأستشاريه (توها تتعلم ) يمكن
افيد واستفيد ..
نرجع للموضوع لأني شطحت .. !!
شفت كم موضوع فيه كثير من البنات يسألون عن الجلسه المتصله
وفوائدها وهل هي جميله ام انها فقط عمليه ؟؟ ويطلبون الأستشاره
والأجابه طبعا هي ان الجلسه المتصله الآن اصبحت جميله في ضل دخول الفن
المغربي الديكوري وهي ايضا عمليه (( تستوعب عدد اكبر من الجلسه
المنفصله او اطقم الكنب)) بس تحتاج طبعا للألوان الثقيله والغامقه وتدخيلات
الخشب والأعتناء بالتقاسيم الفنيه لكي يكون تحفه فنيه... وقد انتشر هذا الطراز
مؤخرا ورخصت اسعاره لكن يضل ان الجوده والحرفيه هي الفيصل..
اترككم مع بعض الصور من الركن المغربي في بيتي والذي سبق ان عرض
قبل اكثر من عام في المنتدى ضمن موضوع عن جوله في بيتي
وهذه الصوره للستاره
وهالصوره اقرب شوي
وهذي صورتها قبل شوي يمكن تكون اوضح
