سندويشات الكودو

http://forum.hawaaworld.com/showthread.php?t=676883


سندويشات قوارب الجبنه * طريقه اختي الله يجزييها خير

إعلان






قطعي الصمون من فوق عملي فيه حفره

اخلطي كاس جبنه سايله + مع زيتون اخضر + زيتون اسود + مشروم

احشي فيه السندويشات

وعلى الوجه مازرولا او شيدر ودخلينه الفرن حراره من فوق بس واول مايطلع غطيه عشان ماينشف

في خلطه ثانيه بس بالشطه للي يحب

نفس الخلطه بس تزيدين عليها كتشب وهوت صوص الفلفل الشطه السايل (كريستال)





سندويشات شاورما الدجاج

صدور الدجاج تقطعينها صغار وتتبلينها بملح وليمون وثوم وفلفل اسود ومبشور ليمون وزيت زيتون وخل وتنقعينها وبعدين تدخلينها الفرن بخلطتها لغايه ماتنشف وطلعيها


قطعي بصل صغير وبقدونس صغير وخلطيه بالبصل ورشيه بسماق (واذا ماتوفرت عادي حطي سلطه)



وخلطي ملعقتين طحينه مع 6 ملاعق روب وعصير ليمون

وابدي طبقي السندويش





البسبوسه بالجبنه والحليب المحلى
* طريقه اختي الله يجزيها خير


( بنات بجد رووووووووووووعه اشوي عليها الصينيه تخلص في لحظتها شيرتها وايد معتدله انصحكم فيها )






المقادير *كل المقادير باستخدام الكاس اللي للماي

3 بيضات
1 1/2 b.p
11/2 فانيلا
3/4 كاس زيت
كاس سكر
علبه روب
كاس سميد
كاس جوز هند

اخفقي البيض وضيفي السكر والفانيلا بعدها ضيفي جوز الهند والبيكنج باودر والسميد والروب


حطي نص الخلطه في صينيه الفرن ودخليها الفرن 200 لغايه ماتصير ذهبيه

وابدي جهزي الخلطه الوسطيه

المقادير


6 قطع بحجم كيري جبن عكاوي (حلوه) ....موجوده بالسوبرماركت مكتوب عليها حلوه او ممكن تستبدلينها ب 1/2 باكيت موزريلا

كاس ماء
4 م ك حليب بودره
3 م ك نشا
علبه قشطه ك دي دي صغيره

تخلط المقادير على النار لغايه ماتصير مثل المعجون مع الاستمرار بالخلط بالسللك حتى تكون عجينه متجانسه


نطلع الصينيه من الفرن ونصب عليها خليط الجبنه ( راعي وانتي تفردين خليط الجبنه انج تفردين على جهه وحده لانج لو فردتي ورجعتي بتشيل معاها خليط البسبوسه اللس تحت )

وتغطينها بباقي خلطه البسبوسه ودخلينها الفرن مره ثانيه 200 لغايه ماتحمر وتصير ذهبيه


طلعيها وقطعيها واسقيها بعلبه كامله تقريبا حليب مركز ومحلى ورشي الوجه بالفستق


وهني وعافيه
اللهم اجرني من النار




حلى الاولكر
* طريقه اختي من كتاب المطاحن


الطبقه الاولى

طبقتين من البسكوت المشرب بالحليب ومرصوص بالصينيه

الطبقه الثانيه

كوبين حليب بودره محمر
علبه قشطه ك دي دي كبيره
1/2 كوب سكر
113ج زبده طريه

تخلطينهم بالخلاط بخلاط المضرب ( لاتخلطينهم بالكاس لانها بتصير لينه وايد وماراح تجمد) وتصبينها على البسكوت


تصفين عليها قطع شوكولاته اولكر


تخلطين

4 جبن كيري
1/2 علبه حليب محلى

وتحطينها داخل الفتحات وترشين عليها شويه نسكافيه




البرياني







بنات بحاول اسهل لكم الطريقه بتقسيمها وترا هو سهل بس مكوناته وايد



بس النتيجه فتاكه بطريقه اصليه 100%


المهم

خلينا نقول ان البرياني هو الرز والخلطه والزينه اوكي


الرز

عادي سوي رز ابيض نص استوى واذا مستعجله سويه عادي

الخلطه

احمسي بصل وثوم وزنجبيل وفلفل اخضر وطماطم وفلفل حار وبهريه الكاري بودر والملح والكركم وحطي عليه شويه ماي ( او ممكن تحطين روب للي يحب ) بس شوي عشان تكون خلطه غليظه وحطي فيها الدجاج وخليه شويه يتبل الدجاج فيها

الدجاج

قطعيه صغار وتبليه واقليه نص استوى وبعد اذا مستعجله سويه كامل



انتي جذيه خلصتي اساسيات البرياني بس بقى شي واحد وهو اهم شي بالبرياني الزينه


الزينه


زينه التطبيق


نقعي شويه زعفران في بياله ماء ورد



قطعي شويه نعناع ******** هذي نقطه وايد مهمه تعطي البرياني طعم وريحه تضاهي المطاعم



زينه الوجه

اقلي بصل جوانح لغايه مايصير كرسبي وذهبي

اقلي اي نوع مكسرات

***** واهم نقطه هذي اخذتها من بيان جعل ربي يعافيها ويجزيها عنا كل خير ويرزقها من اوسع ابوابه ******* لاتغفلون عن هالنقطه لانها وايد مهمه

اخلطي شويه هيل مع شويه قرفه


الحين جا وقت التطبيق

حطي بقاع الجدر نص كميه الرز وصبي عليه شويه ماء ورد بالزعفران حطي الخلطه اللي بالدجاج (حطي الدجاج كله واتركي شويه من الخلطه) ورشي عليه شويه نعناع حطي نص الباقي من الرز وارجعي حطي الخلطه والنعناع وغطي الباقي بباقي الرز ورشي على الوجه ماي الورد بالزعفران

وغطيه بالقصدير ودخليه الفرن



وقت التقديم

وبعد مايطلع من الفرن قلبي الرز عشان يختلط وشمي الريحه ...........واااااااااااااااااااو

وقبل لاتقدمينه رشي على وجهه البصل والمكسرات واخر شي رشي خلطه الهيل والقرفه





تم بحمد الله وان شاء الله يكون حاز على رضاكم وسامحوني اذا نسيت شي او قصرت واي سؤال انا حاضره
اللهم اجرني من النار
عااااااافاااااااتس
الصور ماطلع معايه
سبحان الله وبحمده سبحان الله العظيم
روعه
روعه
روعه
روعه
روعه
روعه
روعه

أحس العيد ما يكون له فرحة ألا بهذا الطريقة حت الأطفال يحسون بطعم العيد
تسلم يديك


الساعة الآن 02:05 .