اقتباس مشاركة  (م ب ع ث ر ة)
وشو الي شروطهم عين العقل ؟

2- أن تكون المتقدمة حاصلة على دبلوم معهد الخياطة أو لديها خبرة سابقة بطبيعة العمل.

الحن يعرفون اغلب الي يفتحون مشاغل ماراح هم الي يخيطون راح يجيبون عاملات وبيشغلونهم يعني ماهو شرط انا يا راعية المشغل لازم تكون عندها شهادة او خبرة يعني واحد سعودي بيفتح مطعم لازم يكون عنده شهادة في الطهي ؟؟؟؟؟؟
واحد بيفتح محل حلاق لازم يصير عنده شهادة بالقص وغيره ليش الي ينطبق علينا ماينطبق على الرجال !!
نجي الحين الطامة الكبرى
و نقيض هالشرط ؟؟


نظراً للحاجة الماسة لتشجيع المرأة السعودية على مزاولة المهنة فإنه يتوجب إتاحة الفرصة لمن ترغب من خريجات
الجامعات والمدارس الثانوية وغيرهن ممن تتوافر لهن فرص العمل بالدولة في العمل في هذا المجال بغض النظر عن شروط
حصول طالبة الترخيص على شهادة تعليم الخياطة ويكتفي بقيامها بإدارة المشغل على أن يقوم بأعمال التفصيل والخياطة

عجبي الي بوظفهم من هالسعوديات عندي مايشترط شهادة خبره او شهادة خياطة لكن انا ياصاحبة الحلال يشترط علي !!
الله ماشفناه لكن بالعقل عرفناه

هذا اكبر سبب يزعل والله اختي صادقه ليش كذا
ج) نظراً للحاجة الماسة لتشجيع المرأة السعودية على مزاولة المهنة فإنه يتوجب إتاحة الفرصة لمن ترغب من خريجات
الجامعات والمدارس الثانوية وغيرهن ممن تتوافر لهن فرص العمل بالدولة في العمل في هذا المجال بغض النظر عن شروط
حصول طالبة الترخيص على شهادة تعليم الخياطة ويكتفي بقيامها بإدارة المشغل على أن يقوم بأعمال التفصيل والخياطة
نساء متخصصات سواء كن سعوديات أو أجنبيات.




اختي الغاليه
انت فهمتي هالنقطة خطأ

هم في نهاية الشروط يقولون انه ممكن التغاضي عن شرط الحصول على شهادة بنفس المجال لصاحبة المشغل لانها سعودية ويبون يشجعون السعوديات

وبالتالي ممكن يتغاضون عن حصولها على الشهادة على أن تقوم هي بإدارة المشغل والاشراف عليه

اما التفصيل والخياطة يجب ان تكون من عاملات معهن شهادة خياطة

بعض الشروط غريبه
والله ابتلشنا
نبي وظيفة بشهاداتنا الجامعية قالوا ماينفع الحين المطلوب حاسب وانجليزي
ضيعنا وقتنا ورحنا اخذنا دورة حاسب ودورة انجليزي ومر وقت على الشهادة وجات دفع متخرجة بعدك ورحتي تطلبين وظيفة قالوا شهادتك قدمت

رضينا بنصيبنا ومالنا رزق في وظيفة قلنا نفتح مشروع نستنفع منه ونفع بنات معنا قالوا هاتوا شهادات

يعني بالله وش السالفة نقضي حياتنا في صف شهادات وتكويمها في الدرج

والا يبون منا نضيع فلوسنا والا نحطها في اسهم اغلبنا عرف نتايجها الخسرانه

ليه مايبون يفهمون ان الوحدة اذا فتحت لها مشروع راح تفح بيوت كثيرة بتوظيفها سعوديات محتاجات للوظيفة

ليه مايسهلون على الله وخلقه ويخلون الناس تسترزق..وش هالتعقيد

لا حول ولا قوة الا بالله ما اقول الا الله على الظالم
من ناحيه الرررررررررررشو ه كثرى منها انا جمبى مشغل ففكرت افتح ورحت اسالها المهم قالت لى الشارع 15 متر قلت لها بس محلك شارعه مو كذا قالت لى عادى عطيهم على كل متر 500ويسكتون وياخذونها وماكانهم شايفين شى قلت لاوالله خلينى كذا احسن.....
انتى ادخلى وابدا ماراح تندمى



الساعة الآن 12:01 .