على هذا الرابط
ملف سفرات وعزايم وبوفيهات أطباق عالم حواء ابداع × ابداع
بسم الله الرحمن الرحيم
:26:كل عام وانتم بخير يا بنات وربنا يجعل ايامكم كلها اعياد :26:
ولو ان العيد برضه مبيرحمناش من دخول المطبخ :angry:زى مايكون المطبخ بقى لازق فينا :42:معلش كله بثوابه واحنا اللى دلعناهم من الاول :angry2:
النهاردة حوريكم سفرة عشاء يعتبر خفيف لانى اخترت اصنافه كلها تكون باردة ومعظمها من الاوردفر يعنى عجينة واحدة وشكلت منها كل الانواع
بالنسبة للطرق والمقادير كلها موجودة بالتفصيل فى الملفات وبالتالى حتلاقوها فى التلخيص ماعادا تقريبا السندوتشات والكنابية ودى اللى حكتبهالكم
العشاء كان :
ديك رومى (فى التلخيص )
ارز بالخلطة (فى التلخيص )
دقيه ورق عنب(فى التلخيص )
سندوتشات تونة و فراخ ولحمة باردة ومخ وكفيار(حكتبهالكم )
كنابية(حكتبهالكم )
بيتزا صغيرة – منوعات بشكل الساليزون محشية زعتر وزيتون اسود مهروس وجمبرى بالمايونيز
كبيبة شامى محشية كلها لحمة
سلطة زبادى فقط والباقى كان مخللات زيتون اخضر محشى و بصل وفلفل
الحلو :
فروت سلاد
بروفيترول
بالنسبة للخطوات
.........قبلها بيوم عملت العجينة وشكلتها وحشيتها وسويتها ولما بردت حطيتها فى اطباق فى الفريزر وتانى يوم قبل العزومة بساعه طلعتها ودخلتها الفرن يادوب تسخن
.......قبلها بيوم سويت الكبدة والكلاوى بتاعه الارز بخلطة وحمرت المكسرات وحمرت الارز وتانى يوم قبل العزومة بساعه كملته
......قبلها بيوم سويت عرق اللحمة الباردة ولفيته فى الفويل وحطيته فى الفريزر وتانى يوم طلعته وقطعته شرائح وحشيت السندوتشات
......قبلها بيوم سلقت المخ وسويته وتركته لتانى يوم حطيته فى بيض وبقسماط وحمرتة وحشيت السندوتشات
......قبلها بيوم حشيت الورق عنب ورصصته فى الحلة وسويتة تانى يوم
يعنى يوم العزومة كان كله مستوى وجاهز يعنى يادوب على التطبيق النهائى وعمل السندوتشات والحلو
وبالهنا والشفا
