Analysis Services
السلام عليكم ورحمة الله وبركاته
حدخل في الموضوع على طول(مشفوحه على الاكل)
المهم يا بنات حاتم احنا هذا العيد عيدنا عندكم بحائل (يحليلها)
وننعزم هاك العزيمه اللي شفت فيها محبوبي لايروح فكركم بعيد انا شفت الجرررررررررريش والله يابنات اني تركت المفطحه كلها وقعدت على صحن الجريش ومسح لك الصحن كله تراه صغير (ترقع)
ماطول عليكم يابنات صراحه لذيذ جداً يم يم وانا ابي طريقته منكم هي طابخته بدون لحم شكله على حليب وحاطه عليه من فوق صلصة طماطم مره طعمها لذيذ صراحه استحيت اطلبها طريقته معرفتي فيها سطحيه
ياليت يابنات تقولولي كيف تسوونه
والله يعطيكم العافيه
11-10-1428 هـ, 07:39 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
انا موب حايله بس عشت كم سنه بحايل اهل حايل مشهورين بالهريس الحمرا
واذا كانك تبين البيضا
<<بدت تفلسف
جيبي سلمتس الله جريش خمريه نص ساعه همن حطيه على النار وخليه يطبخ وعلى جنب كشني له بصل وحطيه على على الجريش وخليه يطبخ لين يتقطع قلبوه همن جيبي جيك لبن وصبيه عليه وكانك تبينه شوي حامض حطي علبه زبادي حطي نص اصبع زبده
الكشنه بصل وطماط وصلصه وبهارات وملح وماجي همن قدميه وبهنا والعافيه همن ادعي لي بالتوفيق
11-10-1428 هـ, 10:32 صباحاً
 
والله مااعرف طريقتها احسبك تبين كبيبا قلت نتفلسف عليك
11-10-1428 هـ, 11:53 صباحاً
 
1 )معنى بعد حيى ارجوا منك الرد لانها محيرتني
2)الجريش له عدة طرق اهم شي من يضبطه وانا اولهن احبه يجيني من احد تراه اطعم وماسحته من قائمة الاكل لاني فاشله فيه
19-10-1428 هـ, 07:12 مساءً
 


الساعة الآن 10:40 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏