تكفون يابنات لاتخيبون أملي
ودي أي وحد الله يعافيكم تدخل تقول لي حركه جديده وغريبه للسلطه
محتاجتكم وإللي ماتعرف شي ترفع الموظووووع الله يرزكم ماتتمنونه في الدنيا ولآخره يارب
للرفع
للرفع
.

اقتباس مشاركة  (^^مشاعل السعوديه^^)
سلطة قوس الرحمن
او انا احب اسميها مهرجان السلطه..
لأنها من جد كلها الوان وطعمها راااااااائع انا مااسويها الا للناس المهمه جدا جدا جدا
او اذا كانت عزيمه كبيره وبوفيه
لأنه يبيلها شغل بس بصراحه تستاهل الشغل كل من ذاقها يترك باقي الأكل وياكلها هي بس

المقادير:
ملفوف اخضر
ملفوف بنفسجي
طماطم
فلفل رومي
باذنجان
خبز عربي
خيار مخلل
جزر
بقدونس
بطاطس الاعواد الرفيعه جاهزه بعلب معدنيه
ذره
سماق

الصوص:
الصوص الإيطالي الجاهز من قودي او حدائق كالفورنيا او اي شركه


الطريقه:

جينا للشغل

-الملفوف بنوعيه والفلفل الرومي قطعيهم شرائح رفيعه
-الطماطم انزعي اللب والبذور وقطعيها شرائح رفيعه
-الجزر ابشريه والافضل تقطعيه عيدان رفيعه
-الباذنجان قطعيه الى شرائح طويله مثل الاصابع واقليه
-الخبز نفس الباذنجان انا اقصه بالمقص قصيه الى شرائح طويله اصابع واقليه
-الخيار المخلل قطعيه اصابع
-البقدونس افرميه


احضري إناء السلطه

حطي الملفوف
الفلفل الرومي
الجزر
الطماطم
الباذنجان
الخبز
الخيار المخلل
الذره
البقدونس
وحركي كل المكونات ورشي سماق وحركي ووقت التقديم اضيفي الصوص الإيطالي وحركي
حطيها بطبق التقديم وحطي اخر شي فوقها عيدان البطاطس وقدميها
وادعي لي...وانا اضمن لك الكل راح ينهبل عليها..سلطة محترمه وتبيض الوجه


وهاذي صورة الصوص الايطالي وصورة عيدان البطاطس صوره جماعيه




وهاذي السلطه






وهاذي صوره قديمه لها كان عندنا عزيمه وحاطينها فوق البوفيه شوفوها ورا متوزيه



ملاحظه::
-الباذنجان والخبز اقليهم قبل بيوم مايضره
-الخبز انا اقصه دايم واحتفظ فيه بالفريزر عشان اوفر وقت اقصه مربعات للفتوش والفته
واقصه اصابع عشان هالسلطه واخليه بالفريزر مايتغير
-صحيح المكونات كثيره لكن كميتها بسيطه يعني من كل نوع حطي شوي
عضوة في عالم حواء من أحدى عشر سنه 11
اقتباس مشاركة  (قطر الندى...)
هاذي سلطه خطيررره ..... تنفع تكون وجبه لحالها

هاذي اخذتها من النت بس شوي اضافات بسيطه من عندي

سلطة الفتة
المقادير :
الطبقه الاولى:
بطاطس مقطعة مكعبات صغيرة ومقلية في الزيت
باذنجان مقطعة مكعبات صغيرة ومقلية في الزيت
حمص حب تقريبا نصف العلبة
ملح
الطبقه الثانيه:
بصله ونصف
ثوم
فلفل أحمر
كمون مطحون
كزبره مطحونه
طماطتين أوثلاث معصورة مع فصين ثوم
ملح
نحمر البصله في الزيت ثم نضع فوقها البهارات ثم نصب فوقها الطماطم ونخليها شوي لحد ماتنشف ونرفعها عن النار.
الطبقه الثالثه:
1 خيار مقطع شرايح رفيعه
بقدونس مفروم (تقريبا حزمه)
الطبقه الرابعه:
خبز مقطع مربعات ونحمصه على المقلاه بدون زيت
الطبقه الخامسه:
علبتين زبادي
ملعقة مايونيز
ملعقتين كبيره لبنة
ملح
الزينه:
لوز مقطع شرايح ومقلي
صنوبر مقلي
بقدونس مفروم
خيار شرايح
حمص حب
زيت زيتون
الطـــــــــريــــــقة
نضع الطبقه الاولى في الصينيه


ثم الطبقه الثانيه


ثم الطبقه الثالثه


ثم الطبقه الرابعه


ثم الطبقه الخامسه


ثم نزينه ونصب فوقه زيت الزيتون وبالعافيه.



عضوة في عالم حواء من أحدى عشر سنه 11


الساعة الآن 12:10 .