السلام عليكم يا حبيباتى دى اول مرة اكتب فى القسم ده بس بجد من كتر التجارب بجد اول مرة اتعامل معاهم كانت بدلة سونا حرارية طلبتها وجابوها للبيت قالولى 110 و20جنيه مصاريف شحن المهم بقيت البسها وشغاله تمام ويوم نزلت وسط البلد شفتها معروضة فى محل ادوات رياضية تعرفوا بكام؟ 65 جنيه تانى حاجة جهاز الاب ترونك وصلى البيت ب270 جنيه و20 جنيه مصاريف شحن وبردوا نزلت لقيته فى المحل ب115 جنيه ثالثل شىء بقى كان طقم ميلامين عجبنى شكله وصل البيت ب115 و15 جنيه مصاريف شحن يعنى 130 فتحته واستعملته وعادى اوى نزلت حتة عندنا فى مصر اسمها سوق الثلاثاء لقيته ب60 جنيه نفس الشكل والنوع والخامة غير انه بيقع يتكسر لانه خفيف جدااااااا
وغيرهم بقى حزام السونا لو سمعتوا عنه اللى جابوا اعلاناتة اسمه بيلا فورم صحيح شغال منكرش بس وصل البيت ب165 و20 مصاريف شحن وده بقى كان الصاعقة لما قررت اشترى المشاية وبسال عليه فى المحل بتاع المشاية لقيته ب30 جنيييييييييييييييييه صعقت وقررت احذركم كلكم وبلاش تخيبوا خيبتى انا لا ببيع ولا بشترى انا بس حبيت ابلغكم والدال على الخير كفاعله اه نسيت اقولكم على مفاجأة بقى بجد تعرفوا منتج شوجر؟ اللى بيجى عنه الاعلان لمرضى السكر الراجل اللى بيجى عامل دكتور ده جارنا صاحب المنتج اسمه شريف ساكن عندنا فى الدور الخامس بكالريوس هندسة زراعية وهو صاحب المنتج اصلا وبيغلفه فى الشركة عنده والله والله بنفسه قال انه اعشاب والناس عندنا فى مصر هى اللى بتجرى ورا الاعلان لو من غير اعلان مش هيشتروه اصلا ال الدعاية اهم من المنتج والله ما بكدب فى حرف واحد انا حرمت بجد اشترى من التلفزيون مهما كان الاغراء طيب اقولكم اخر حاجة فيه اعلان بتاع الليفة الدوراة ده تدليك دوار بيجى اعلانه بنت فى الحمام وبتاخد حمام بالليفة دى ولها كذا راس بتتغير المهم هما بيقولوا 99 جنيه ومصاريف الشحن يعنى نقول 110 امبارح بالليل لقيته ب45 جنيه
12-10-1428 هـ, 03:33 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
تحذيرك في محله

وللأسف كثير تصير لهم وينجرفون

حزام الساونا قالو لي بـ280

وشريته من جيان ب80 ريال

وغيره كثيرررررررر
12-10-1428 هـ, 04:29 مساءً
 
آآآآآآآه يا اختي ما تقوليليش على موضوع الليفة الدوارة دا،

اكبر مقلب، انا كنت فاكرة ايه بقى الحياة هاتبقى وردية، و هاخد دوش ما حصلش، و الجسم ولا كأنه طالع من الحمام المغربي..

اقسم بالله انا لو شارية لعبة أطفال صينية كان هابيقى تقفيلها احسن من كدا

و ضعيفة جدا، و الفرش بتاعتها ولا بتعمل حاجة..
دا غير سعرها الغالي على مافيش
و غير كدا بردو اخدت مقلب في طقم تيفال، كانوا بيقولوا دا مش عارفة كام طبقى تيفال و بيعمل و بيسوي،

و من اول غسلة، عادت للأواني البريق..

الله يسامحهم والله نصابين


فكرتوني باللذي مضى
12-10-1428 هـ, 04:39 مساءً
 
الله يعينكم انا مااشتري اي شي لازم ادور الف مره قبل لا اشتري لاني كليتها وايد قبل فحرمت
12-10-1428 هـ, 06:15 مساءً
 
يا جماعة ما هو لازم نتعلم وفعلا مفيش شىء ببلاش اهو استفدنا انا اتعلمت لو عملوا ايه مش هصدقهم تانى ابدا
12-10-1428 هـ, 06:50 مساءً
 


الساعة الآن 09:15 .