السلام عليكم ورحمة الله وبركاته
كيف حالكم يا بنات عالم حواء انا عندي سؤال بسيط وهو اش رايكم في كتاب الاطباق المميزة
للي جربوه طبعا لاني خايفة اشتريه وبعدين اندم وشكرا لكم

انصحك تشترينه وماراح تندمين ابدا ان شاء الله انا شريته من شهر تقريبا واطبق منه
وكل الأشياء اللي طبقتها مضبوطه مره وطعمها من جد مميز وفيه دقه في المقادير
ماشاء الله خصوصا في العجاين رهيبه مره وتقسيمته حلوه مره كل شي لحاله حتى
الرز لوحده والمكرونه لوحدها والكيك والبسكويت والباي وصياني الحلى وغيرها
الكثير من جد احسه متعوب عليه وطبخاته متنوعه اشياء عاديه واشياء غريبه يعني
منوع واتوقع ان اللي مااعجبهم ماجربوه اصلا لأن لوجربوه راح تتغير نظرتهم تمام
ا واهم شي انضباط المقادير مو الشكل النهائي للطبخه ومن رائيي انك تتوكلين على الله وتشترينه اذا تحبين تنوعين في أكلك واغلب اطباقه جديده انا دايما اخذ وصفات من الأنترنت
واتابع الأطباق الجديده لكن لقيت فيه فعلا اشياء كثير جديده علي مو مثل ماقالوا بعض الأخوات انها اغلبها من الأنترنت لا فيه اشياء مرت علينا لكن مو كل اطباقها اشياء بسيطه اللي معروفه لكن الأغلبيه جديده وانتي اذا تبين تشترينه تصفحيه وشوفي اذا اعجبك خذيه
وفي الأخير الناس اذواق واراء مختلفه وهذي رائيي لأنه من جد داخل مزاجي هالكتاب


الساعة الآن 06:29 .