السلام عليكم ورحمة الله وبركاته

خواتي اي وحده منكم عندها مثل هالقدر رجااااااااااااااء تعلمني كيف استخدمه لان من زمااااان عندي واخاف من استخدامه ...الله يجازيها الف خير الي تساعدني



14-10-1428 هـ, 09:28 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
لا تخافي ولا شي
والله مانستغني عن قدور الضغط ابداا
14-10-1428 هـ, 10:58 مساءً
 
اللي عندي غير عن هذا لكن هذا اللي بالصورة شكله اسهل وأأمن من اللي عندي
ولا تخافي

اهم شي تتاكدي انك ما تملين قدر الضغط بالمويه على اخر شي لازم تتركي مسافة واكيد عندك كتالوج جاي مع القدر اقرئي اللي مكتوب فيه والتعليمات

وثاني شي تتاكدي من اغلاقه باحكام

وثالث شي نصيحة من اخت لك لما تبغين تفتحين القدر بعد ما تخلصي طبخ بكل بساطه خذيه وحطيه تحت مجرى مويه بارده بتلاقين انه على طول نفست وفرغت الهواء وبعد كذا تقدر الواحده تفتحها بشكل امن

او انتظري لين يروح صوت الهواء اللي داخلها نهائيا وبعدين افتحيها

بس الافضل دايما تقرئي تعليمات الكتالوج الخاص بالقدر عندك

او اذا عندك اسم القدر بالانجليزي حطيه لي عشان اشوف موقعه واذا كان عندهم تعليمات كاتبينها احطها لك

وبصراحه لا غنى ابدا عن قدر الضغط خاصة للحوووم
14-10-1428 هـ, 11:03 مساءً
 
استخدميه عادي
14-10-1428 هـ, 11:53 مساءً
 
اللي عندي تيفال كاليبسو كونترول .... استخدامه مره سهل وآمن يعني بس اسكره واشغل التوقيت ووقت ما يبدا بالطبخ يرن الجرس واخفض الحرارة وبس ينتهي الوقت يرن مرة ثانية واطفي عليه .... وبعدين اتركه شوي او اخلي البخار يطلع منه على خفيف بالتدريج لحد ما ينزل الصمام وبعدين اقدر افتحه ....
بس اعتقد كلهم نفس الطريقة .... يمكن يختلف من ناحية المؤقت وشغلات السلامة...
طبعا لازم تقراين كتاب التعليمات للسلامة ....
من التحذيرات يمنع استخدامه بالزيت بدل الماء ....
هناك حد لمستوى الماء لا تزيدين اعتقد من ثلثين القدر ....
والأنواع الجديدة فيها درجات مثلا اذاكنت بتستخدميه للحوم لازالت مجمدة او لحوم عادية او خضار واشياء سريعة النضج .... تختارين اللي يناسب ...
المفروض كمية الماء مثلا ما تقل عن نص كوب اذا كانت سعة القدر 8 ليتر مثلا ....
قبل لا تسكرين الغطاء تاكدي ان الحلقة المطاطية اللي بالداخل في مكانها الصحيح والا لن يتكون لديك ضغط داخل القدر ....
بعد ما تسكرين الغطاء ... خلي الحرارة عالية الى ان تلاحظين ارتفاع المؤشر الخارجي او رن الجرس بداية الطبخ ..... طبعا الآن بيتكون الضغط بالداخل ثم اخفضي الحرارة... والمفروض ان البخار لا يخرج من اطراف القدر فقط من الفتحة العلوية والا اذا لقيت ان هناك بخار يتصاعد من الأطراف فمعناه ان الغطاء غير محكم او المطاط اللي بالداخل ليس بمكانه .....
بعد الانتهاء ابعدي القدر عن النار او الفرن ولا تحاولين فتحه ...ثم اما انك تخليه لوحده فترة الا ان يخرج جميع البخار وينزل المؤشر الدال على الضغط او انك بالتدريج تديرين القرص لحد ما يخرج البخار .... و البعض يضعه عند مجرى ماء بس ما جربتها هالطريقة ....

انا استخدمه لسلق اللحم او الدجاج او عمل بعض طبخات الرز السريعة والمرقات والحمص وغيرها .... بصراحة اللي تجربه ما تستغني عنه ...
15-10-1428 هـ, 01:45 صباحاً
 


الساعة الآن 07:01 .