كيفكم يا دبديب يا كرميش
اكيد كثار منكم مثلي بدهم يا كلو خضار عشان الدايت بس ما في غير هالسلطه ولا بيجي دايت بايخ بقولك لا تملحي السلطه يعني لو بتحبيها خلص رح تكرهيها وتكريهي كل ريجيمات الدنيا وممكن تتهوري وتتصالحي مع كرشتك وتتقبليها وعاد هي مافي غير بتكبر وبتكبر
بترد وحده تقولك كلي سلري بنحف وكلي فجل والموضوع كل يوم وانت يادوب تغصبي على حالك مره وبالموت
طيب والحل
لما الحاجه تكون ام الاختراع انا اخترعتلكم كوكتيل الخضار يالله يا بنات شو طعمه مقبول وانا حبيته زاكي بشرب منه اكتر من لتر وعادي جدا جدا مقبول ما بدي اقوللكم بشهي ووحده تتخيل انه اسكى من الاي عصير وبعدين تتفاجأ لأ انا بحكيلكم حبيته كثير وعندي اياه اسكى من الفواكه بالعسل وانته جربوه بنفسكم
وهاي الصوره
جربوه يا بنات
المكونات طبعا انا رح اعطيكم مثال وانتم ممكن تغيرو بس رح افهمكم الطريقه
بالخلاط
خسه كامله
خمس حبات فجل صغير او ثلاث كبار
سلري عودين كبار او ثلاثه صغار
تفاحه صفره كبيره او ثنتين صغار او وحده صفره ووحده حمره (المهم نوع حلو)
كاس مقطع جزر
ملعقة عسل للتحليه او سكر دايت او سكر بني متل ما بتحبو
نص كاس عصير حلو (اناناس , برتقال,تفاح) او حليب خالي الدسم الموجود بس لازم نوع ساءل عشان الخضار يتحرك بالخلاط
اخلطي حتى يتجانس الكوكتيل ويصبح سائل صبيه وصحه وهنا
بنات ممكن تغيرو بالخلطه متل ما بتحبو يعني لو حطيتو زهره والا ملفوف ما بيتغير الطعم بوجود حبة فواكه وملعقة عسل بالعكس بيعطيكي نكهه جديده ممكن كمان تستخدمي الموز والكيوي والاناناس
كمان مره استحدمت البقدونس والكزبره برضه زاكي كثير وجربي وبدلي متل ما بتحبي وصحه وهنا
بس مااتوقع اني بحبها لاني ابد مااتقبل الفواكه والخضار