مساء النور شطورات


انا طريقتي اني احط الدجاج مقطع
ومعه خضار مقطعه
وعليها اكب كوب فيه عصير طماط وبهار وملح وشوي موية
واقصدرها وعلى الفرن

ما اقول مو حلوة تطلع حليوة
بس مو تجنن
ذقت صواني خضار متسبكة مررة تجنن
يا ليت الي تعرف وحدة تقول لي

ودمتم

انا عندي كذا طريقه لصياني الخضار مع الدجاج مره حلوه
الاولى-تقطعين الكوسه والبطاطس والجزر حلقات بس مو كبيره وتقلى بالزيت وتكونين من قبل سالقه دجاج صدور بدون عظم الافضل عشان اسهل لك وبعد السلق تقطعينها قطع صغيره وتخلطين المقادير كلها مع بعض الخضار والدجاج بقدر وخليه على جنب وتخلطين بالخلاط بيالة ماء وقشطه (حسب حجم صينيتك)اذا كبيره زيدي وملعقة كبيره جبن سايل وملح شوي واخلطيهن وصبيه عللى المقادير السابقه ثم توضع بصينيه وادخليها الفرن من تحت لمدة 10 دقائق ثم من فوق للتشقير

الثانيه احلى بالنسبه لي - تقطعين بصل قطع صغيره وتكشنينه مع ثوم مبشوروتحركينه على نار هاديه ثم تحطين عليه قطع دجاج هبر صغيره وفاصوليا صغار وزهره صغار وجزر مبشور وكوسه صغار مع قطع صغيره حبحر اذا تحبين وبقدونس كثري منه ويحرك على نار هاديه مع التقليب المستمر حتى ينضج ثم تحطينه بصينية بايركس وبالخلاط ملعقتين جبن سايل وقشطه (حسب حجم صينيتك اذا كبيره زيدي)وفص ثوم صغير وفلفل اسود شوي وماجي ابيض شوي واخلطيهم وثم صبيه فوق الخضار ودخليه الفرن من تحت لمدة ثلث ساعه على نار هاديه ثم من فوق للتشقير

وهذي ثالثه-خضار مقطع قطع طوال وسخيفات (جزر وكرنب فلفل بارد وبصل وزنجبيل شوي وفص ثوم ودجاج مقطع واسلقيه وبطاطس مقطع قطع متوسطه وفاصوليا وفي مقلاة كبيره حطي كميه من الزيت حمري البصل لين يذوب ثم الثوم ثم الخضار لحد ما يذبل ثم الفلفل الاسود شوي وملح ونص ماجي ثم اقطع الدجاج واضيفي زيت لو احتجتي ثم اضيفي مويه شوي عشان يصير صوص ثم حطي بكوب صغير ماء عادي وشوي نشا وحركيه وصبيه على الخليط وحطي نص ملعقه كبيره سكر ثم صوص صويا وشوي كاتشب اوصلصه وذره اللي بالعلب وحركيه باستمرار وخليه شوي على نار هاديه ويقدم ساخن

الرابعه هذي هنديه اذا كنتي من اللي يحبون الصياني الهنديه جيبي صدور دجاج بدون عظم كم شريحه حسب حاجتكم واسلقيها ثم قطعيها او نتفيها جيبي مقلاه كبيره افضل وحطي زيت كميه حسب كمية الزيت وحطي الدجاج على الزيت وحركيه على نار هاديه لحد ما تتشقر وتكونين مجهزه في صحن علبة زبادي وملح شوي وصلصه كثري اطعم وفص ثوم مبشور وحبحر احمر بودره وبهارات وحركيهم وكبيه على الدجاج وحركيه وحطي بقدونس وكثري اطعم وجيبي كاس ماء صغير وحطي فيه حليب جوز الهند فيه بودره وفيه السايل انا اتكلم عن البودره بعد ماتخلطينه صبيه على الدجاج مع التحريك لمدة 10 دقائق على نار هاديه لحد ما تثقل الصينيه ويقدم ساخن وبالعافيه
لاتنسين تدعين لي بالولد الصالح السالم المعافئ والحمل السهل الخالي من المشاكل ويفرج همي
up
up
up


الساعة الآن 06:26 .