مساء النور شطورات


انا طريقتي اني احط الدجاج مقطع
ومعه خضار مقطعه
وعليها اكب كوب فيه عصير طماط وبهار وملح وشوي موية
واقصدرها وعلى الفرن

ما اقول مو حلوة تطلع حليوة
بس مو تجنن
ذقت صواني خضار متسبكة مررة تجنن
يا ليت الي تعرف وحدة تقول لي

ودمتم

اهلين اختي ........بكتب طريقتي وإن شاء الله تعجبك بس تراها دسمه يعني تشبع...
1- اقطع الخضار اللي افضلها واغسلها واقليها في الزيت كل نوع لوحده واول ماأشيله من الزيت اغسله بمويه حاره من الغلايه...طبعا علشان الزيوت تنزل ولا تخافين يطلع شكل الخضارحلو ماكانها مقليه بالزيت ...
2- اسلق دجاج صدور او اللي تفضلين وانتفه او اقطعه حسب الوقت والرغبه واكون مجهزه بصل مقطع جوانح وفلفل رومي ...احمس البصل بشوي زيت واضيف له الفلفل وبعدين الدجاج والملح والبهار( استخدمي بهار ابيض احلى ) لحد مااحس انه تجانس
3- في صينيه بايركس اضع الخضار المقليه ولاتنسين ترشينها بشوي ملح وبهار للطعم بعدين الدجاج والخلطه الاخيره عباره عن ( جبن سائل + قشطه + علبه زبادي+ ثوم على حسب الرغبه احطها بالخلاط ) وبعدين اصبها على طبقه الدجاج وادخلها الفرن لحد مااحس انها استوت وبعدين اشعل الفرن من فوق لحد ماتشقر شوي وتقدم مع الخبز...بالهناء والعافيه..
اتمنى انها تعجبك واي خدمه انا حاضره...
سهله وماتحتاج فن

قطعي الدجاج ارباع وحطي الخضار بطاطس جزر بصل فليفله طماطم ارباع
وبهريه واعصري معاه نصف ليمونه وحطي ملعقتين صلصه وزيت واخلطيهم زين
وحطيهم بالصينيه وقصدريها وخلي القصدير نصف الوقت بعدين افتحي القصدير
وقلبي الخضار في الفرن كل شوي عشان تصير الخضار محمره واذا نضج ولعي الشوايه من فوق
عشان يتحمر الدجاج وشوفي ان ماطلعت عندك احلى صينيه والكل يسالك عنها
الله يعطيكم العافيه و الله استفدنا من الموضوع
جزاكم الله كل خير
ربي هب لي من لدنك غلاما زكيا
الله يعطيكم العافيه و الله استفدنا من الموضوع
جزاكم الله كل خير


الساعة الآن 04:11 .