ام عبدالله المقرن خطيرة مرة وشغلها ابداع

ومعليش حبيبتي فطاير الهدلق مو غريبة ولا طعم حلو ..هذا رايي لاتزعلي

حنا نسوي فطاير بااشكال غريبه وفطاير صغار وملفوفه وكبه للزوجات صغيرات وورق عنب واذا حابه رقمي بجنب اسمي

هدى الربيعة

في الحريم بلا منافس ام عبدالله المقرن انا مجربتها وتوصلك بعد

وبنسخ لك الرد اذا حابه تستفيدين في عزيمتك


=============================================

هلا خواتي شخباركم

توي صحيت بعد عزيمتي البارح تعبت فيها والله ..

العصير سويت بالبيت 3 اصناف وجبت نوعين من برا

واستأجرت صبابتين اخلاقهم روعه وفزعه ب 150 وحده اسمها سعاده والثانيه مدري نسيته بس انه غريب

حلى القهوة سويت صينية واحده كبيرة شوكلاته من مارينون

وجبت حلى كيلو واحد من الجوهرة اللي هو شوكلاته محشيه بالشعيريه روعه والكيلو ب 150 والباقي جبته من الصالحية على 80 ريال سعرهم معقول مقارنة بالجوهرة
وخليتهم الصالحية يصفونه لي في صينينيتين كبيرة شوي والتمر انا شريت 3فازات وصفيته قبل كم يوم

المعجنات جبت من ام عبدالله المقرن وروعه مرة شغلها طعم وترتيب سوت لي 3 صواني الصينية الوحده ب250 مليانه مره ووصلتها للبيت

العشاء اخذت جزء منه من مرحبا الهندي والله كلمة روعه شويه في حقه (البرياني _وماسالا لحم _وكراهي لحم وجلفريزي _وخضار))
وباقي الاكل اخذته من الفارس بس طبعا ماكثرت لان مناسبتي في البيت

حلى العشاء ..ماسويت شي تكفلت به اخت زوجي الله يعافيها من الى

وقدمت كيك اخذته من لافندر بعد العشاء مع مشروبات معدنية (( اكيد عارفينها اللي طالع لونها احمر وزهر وازرق)) سويتها بطريقة حلوة بس نص المعازيم طللعوا .. يعني المفروض بعد العشاء مانحط شي مابقى احد

وسلامتكم..

طيب بنات هدى الربيعه توصل للبيت ؟؟
وش المميز عندها يعنى لما اجى اطلب منها وش اطلب لى الانواع؟؟
وكمان ام عبدالله المقرن وش المميز عنده ؟؟