عندك خبرة بالرضاعة الطبيعية ادخلي

انا نفسك بالضبط كانت الحلمة عندي صغيرة فكانت الممرضة تجيب لي اسرنجة واشفط الحلمة على برة فهمتي علي ؟؟

والولد من كثر ماتعود على الرضاعة ماكان يبي مني فصديقتي نصحتني نصيحة الله يجزاها خير ويوفقها وين ماكانت المهم نصحتني اني ماعطيه الرضاعة ابد مهماااااااااا يصييييييييييييييييح بتتعبين من هالحركة وقلبك بيعورك بس اذا جاااااااادة تبين ترضعين من صدرك اصبري وقوي قلبك لمصلحة البيبي وكلما صاح عطيه صدرك بيرفض مرة مرتين لكن مرررررررررده بيرضع لاتخافين حبيبتي والله يوفقك ان شالله ويقبل صدرك وتبشرينا

انا ما كانت الحلمة صغيرة بس لما كمل 3 شهور كثرت عليه الصناعي فصار صدري فاضي وماعاد يبغاه كل ما عطيته اياه يصرخ ويعصب !! فاضطريت اني افطمه واعطيه صناااعي!!

اقطعي كل شي صناعي.. و كل ما صاح عطيه صدرك.. حاولي انك ما تتركينه هالفترة .. طول اليوم كوني شايلته و استخدمي حمالة الطفل.. خليه يشم ريحتك و يتذكر اولى رضعاته.. خذيه معاكي بالفراش.. و استلقي معاه بصدر مكشوف و هو بس بالحفاظ.. خليه قريب منك .. لا تجبرينه بأنك تدفعين صدرك في فمه.. بالعكس.. لاعبي شفايفه بحلمة عليها نقطة من الحليب.. كل مرة تريدين ترضعينه.. ادخلي غرفتك.. و استرخي مع ابنك.. لان النرفزة و التعصيب يحس فيها الطفل فما يتقبل الصدر..و تاكدي ان حليب الام حلاوة طعمة أكثر من حلاوة طعم الحليب الصناعي.. و الطفل دايما يفضل حليب الام..حولي تكون الغرفة هادية.. و الاضاءة خفيفة جدا.. و حاولي ترضعينه و هو لسه نايم..او توه راح يستيقظ.. و اول ما تحسين انه بدأ يجوع.. لاحظي حركة دوران الوجه باتجاه الصدر.. او مص الاصابع.. هذي كلها دلالات تسبق البكاء بأن الطفل جائع... بتتعبين كم يوم معاه.. بص صدقين بيرجع يرضع.. ابنك لسه صغير و راح يتعود على الرضاعة الطبيعية..نصيحة ثانية.. استخدمي آلة شفط الحليب الكهربائية كل ساعتين و لمدة 20 دقيقة لكل طرف و بالليل كل 3 ساعات( 8 او 10 مرات كل 24 ساعة).. عشان تحفزين هرمون الحليب و يزيد حليبك.. و اعطي ابنك هذا الحليب بواسطة ملعقة او حقنة بدون ابرة..خذي ملعقة حلبة مع كوب الحليب 3 او 4 مرات باليوم..
ولدك نسى الرضاعة الطبيعية.. بس بعزيمتك و إصرارك تقدرين تذكرينه و اعطيه مجال انه يتعلم من اول و جديد.. اعطي نفسك مهلة شهرين.. و صدقيني ما راح تندمين.. الامل كبير.. بس انتي قوي قلبك يالغالية.. والله يوفقك..

فرحينا بخبر رجوع ابنك للرضاعة الطبيعية..

الله يجزاكم خير حبيباتي كلكم والله يحقق امانيكم