ذوبي اصبع زبده وبعدين حطي عليها دقيق ابيض وممكن دقيق اسمر وقلبيها
وخليه يتحمص شوي وكميته حسب الزبده لاتكثرين لا خليه بس يتماسك ويكون
مثل الخليط الثقيل وحطي التمر منزوع النوى وقلبيها وخليها عشر دقايق تقريبا على نار
هادئه وقبل ماتطفين النار حطي علبة قشطه التاج او لونا وقلبيها حتى تتجانس وقدميها
مع القهوه وهي حاره وبالعافيه وتراها لذيذه مره وممكن تزيدين كمية الزبده والدقيق
حسب رغبتك انا الكميه هذي اسويها واحط حول كاسين تمر خلاص
ذوبي اصبع ونصف زبده بعدين حطي عليه طحين بر فنجال + فنجال ونصف حليب جاف
وقلبيه حطي التمر وقلبيه بسرعه وانتبهي تراه على طول يحترق طفي النار وقدميه حار
انا استخدم تمر سكري او شقرا
يعطيكم ألف عافية ماقصرتوا أشكر تعاونكم الحلو...غوووايش...حجابي عفافي...أم جنى 1111
نفس طريقة الاخت حجابي عفافي بس بدل الدقيق انا احط بسكوت شاهي والقشطة احط ملعقة ونص وبالعافية
السلام عليكم .. هذي الطريقة تعلمتها من خالتي أم زوجي الله يخليها لنا ويطول بعمرها وهي: اصبع زبده مع ربع كاس زيت يحمى على النار لما تذبل الزبده ثم يضاف لها طحين ( بر ) مقدار كوب تقريبا يعني لا يصير الطحين كثير خلي الخليط سايل شوي وحركي على نار هادئة مدة 5 دقايق ثم أضيفي نص كاس لبن بالتدريج مع الحرك المستمر وانتبهي لا يصير الخليط غليظ واستمري بالحرك لما تحسين ان الطحين انطبخ وتغير لونه شوي وبدأ يثقل ويتكتل بعدين جيبي التمر أللي تفضلين ( انا استعمل تمر خلاص الأحساء أو الخرج) واحطه عليه واخلط بهدوء مدة دقيقة واحده وبعدين أسكر النار واشيل القدر وأحطه على صينية الكهرب وأخليه كم ساعة مع التقليب بعد كل فتره ( انا اخليه طول اليوم ) ثم قدميه واستمتعي بالقشد .. وبالعافيه


الساعة الآن 10:26 .