دلوني على نادي رياضي في الروضه بالرياض الله يفتح لكم ابواب رزقه و رحمته

فيه نادي نيولوك اشتراك الشهر ب700
حليو هو على طريق الامير عبدالله ولكن اخره عند شرق الرياض
ارسلي رسالة اعطيك رقمهم واتمنى اني ساعدتك

وانا كمان نفسي اشترك في نادي بس يكون في شرق الرياض
تكفوون ردو لا تطنشون

مستوصف الحرمين فيه نادي كويس ماعليه الاشتراك فيه ب700 لمدة 30
نظامه جلسات ان جيتي تسجل وان ماجيتي ماتروح عليك

انا ناويه اسجل فيه

الله يجزى البنات اللي ردوا علي خير

و يعطيهم الصحه و العافيه و الرشاقه الدائمه من غير شر

احتاج زياده معلومات يا بنات

لان نيولوك مو قريب من بيتي

و الحرمين ان كان هو اللي سبق شفته

قبل سنه تقريبا صدق مو بعيد عن بيتي لكن يوم رحت اشوف كان فيه كم من جهاز

خربان و الناس صافين سرا و معامله اللي فيه مو مره

و كان في القبو و مدري شلون ما ارتحت له

و سعره غالي عليه 700

يعني ب750 مركز سلمان 3 شهور و فيه كورسات و

مضمار لكن عيبه مو قريب لي

يا ليت يا ضاع اسمي لو رحتي شيكتي علي الحرمين او اشتركتي

تردين لي بالخاص والعام للبنات بعد عن تجربتك

ما نستغني عنك يمكن تغير ولا جددوه



و الملتقى يقولون حلو و سمعت انه بالف ريال لكن بعيييييييييييد

---------------

يا اقمار يا حلوات انا ودي بشي مثلا زي مشغل برونزاج بالشرقيه

كان اشتراك 13 جلسه ب 250 مره معقول

قبل سنه و نص اشتركت فيه

و كان مرتب صغير صحيح بس فيه الات حلوة و مدربه فليبينيه و مو زحمه

يعني القصد يا ليت اذا فيه مشاغل نسائيه بحي الروضه فيها جيم

صغير مو لازم كبير و سعره معقول (يعني ما يغصبونك اشتراك كثير)

عشان تقدرين تجربين و تشوفين اذا ارتحتي او لا

و يا سلام لو فيه مدربه

يا ليت لو تقولون لي عنهم حتى لو ما جربتوا و انا اروح اشيك

و اعلمكم وش صار

و من جد شاكره لميمي 2004 و ضاع اسمي على ردهم علي

و اتجرع مر الحياه على مرورها


------------
والله يا بنات ترى اي شي تفيدوني فيه فعلا راح يوسع صدري

و يساعدني و مو بس انا كل اللي يقرون

ترا ما لنا غير بعض الله يخلينا لبعض

يا رب القى منكم مساعدات انسانيه :)

للرفع ........................