عملت الاكله دى من يومين وقلت أقوللكم عليها ومعاها سبرينج رول من تأليفى
وهيه حقيقى سريعه ولذيذه جداااا شوية تقطيع وكله على النار يمكن تاخد نص ساعه
وما شا ءالله جوزى طول ماهو بياكل يفضل يقوللى ... أكله هايله ... إنتى محترفه فيها .... دى احسن من إللى أكلناها فى مطعم بكين ( أشهر مطعم صينى فى مصر )
وكمان أصبحت من اكلات بابا المفضله
والكميه تكفى فردين ونص
أولا المقادير
نص كيلو دجاج فيليه مقطع مكعبات صغيره
3 ثمرات جزر مقطعه حلقات ( ليست سميكه عشان تستوى بسرعه )
بصله (أنصاف حلقات)
نص حزمة كرفس
2 ثمرة فلفل أخضر و1 ثمره فلفل أصفر(مقطع مربعات كبيره )و
6 وحدات مشروم ( ساعات اعملها بدونه )
( 1 ملعقه صغيره جنزبيل مطحون( ممكن أكتر لوتتحملوا الحار ) _ 4 ملعقه ص بهار حلو _ 3 ملعقه ص سكر _ ملعقه كبيره صويا صوص _ ملح وفلفل )
4 ملعقه ص نشا مذابه فى نص كوب ماء
2 ملعقة زيت
الطريقه
نضع فى إناء على النار زيت ثم البصله ونشوحها وقت قصير لا نحمرهاوتكون النار عاليه
ثم نضع الدجاج ونقلبه لحد ما يبيض زى كده
ثم نضيف البهارات كلها
ثم الجزروالكرفس ونخفض النار مع التقليب كل شويه
يتبع
نسيت اقول إن المشروم يضاف مع الجزر
ونغطيهم ونتركهم عل نار هادئه لحد ما يستوى تقريبا 10 دقائق بس ( لإنى بحب الجزر ماسك نفسه مش مهرىوكمان لونه كمان بيكون أحلى من إللى مستوى على الاااااااخر)
وبعدين اضيف الفلفل الالوان لمدة دقيقتين بس ( نفس الفكره بحبه مقرمش شويه ودى الطريقه الصح لطبخ الاكل الصينى )
وبعدين فى الاخر أضيف النشا مع الماء واول ما يسمك قوامه اطفى وخلاص
ودى صورته النهائيه
وعملت معاهم السبرينج رول من تأليفى عجبتنى جدا جدا لإنى أكلتها فى مطعم وحولت أقلدها وطلعت تحفه
ومع ارز أبيض وبالهنا والشفا
فى انتظار ارائكم :):)