اول شي عندك حساب ؟
اذا نعم في أي بنك حتى نقدر نساعدك علشان تروحين لهم مره ثانية وتفتحين حساب ثاني اسمه حساب تداول (محفظة اسهم) اعتقد مجاني بس ما تقدرين تشتريين أو تبيعين إلا لازم تروحين للفرع كل مره ،، أو تفتحين حساب تداول عن طريق النت وهذا اعتقد يحتاج إلى مبلغ كبير لا يقل عن 30 ألف وطالع يختلف من بنك لآخر واذا فتحتي حساب تداول عن طريق النت تقدرين تشتريين وتبعيين عن طريق النت وقت التداول بدون ما تروحين للفرع وهذا عليه رسوم سنويه ويختلف من بنك لآخر ولكن بمبلغ بين 500 إلى 1000 ريال سنوياً .

ثانياً اذا ما عندك أصلاً حساب في أي بنك يلزم فتح حساب جاري أولا في البنك اللي ترتاحين له ، ومن ثم تفتحين حساب تداول بنفس البنك.

أما اذا مالك في هالدوشه كلها ووجع الرأس تقدرين تعطين المبلغ لاحد عزيز عليك اختك اخوك أوصديقة ثقه وهي تتشتري لك اسهم مباحة عن طريق محفظتها وإذا ارتفعت تخبرك بذلك وأن صلح لك السعر تبيهينها وأن خسرتي الله لا يقدر عليك بالصبر إلى أن ترجع تتحسن مره أخرى وتبيعينها وهاكذا .

أرجوا أن اكون قد افدتك ولو بجزئية بسيطة .
تحياتي لك والله يوفق الجميع.
01-11-1428 هـ, 08:18 صباحاً
 
نعم ..

الأفضل لك هو الدخول في الاكتتابات .

وفقك الرحمن .
04-11-1428 هـ, 03:38 صباحاً
 
السلام عليكم ..

أنا عندي حساب في بنك الأهلي .. أقدر افتح محفظه منه من الانترنت؟؟ وهل هي مجانيه والالازم مبلغ كبير ؟؟ لأني مالي في الروحات والجيات ..

لأني زي اختنا صاحبة الموضوع عندي ألف وبحاول ادخل اسهم فيها "مضاربه " ..
10-11-1428 هـ, 05:29 مساءً
 
اقتباس مشاركة  (شذى الموده)
اول شي لازم يكون عندك حساب في البنك
واذا كان هذا اول اكتتاب لك لازم يكون عن طريق الفرع يعني ماتقدري تكتتبي عن طريق النت او الهاتف المصرفي الا بعد مايكون عندك اكتتاب عن طريق الفرع عشان يفتحو لك محفظة اسهم

فية اكتتاب الاسبوع هذا لكن ماانصحك فية لان سعر السهم 65
انت تابعي الاكتتابات الجديدة وشوفي اللي سعرها 10 اكتتبي فيها افضل لك
اي استفسار انا بالخدمة
الأكتتابات الجديدة
من وين نعرف انه في شركات جديدة ؟؟ وأسعارها
وكم يحتاج وقت لين ما نبيعها ؟
الله يوفق الي ترد عليّ

أنتظركم
10-11-1428 هـ, 10:30 مساءً
 


الساعة الآن 02:52 .