دجاج في الفرن

أنا أستخدمت دجاجتين حجم صغير لانه راح يكون الطبق الرئيسي ما فيه رز ، يعني مع خبز بنأكله و أحنا أربعة أشخاص ..

ألمهم جبت الدجاجتين و نظفتهم بدون تقطيع و شلت الجلد ، و شقيت وسطها من جهة وحدة علشان أنظفها من جوه ، و سويت فيهم شقوق بسيطة بالسكين و بعدين حطيتهم في صينية تيفال متوسطة مدورة.

حطيت عليهم 2 بصل متوسط مقطع جوانح 2 فص ثوم كبير مقطع ، ثو حطيت عليها كل البهارات اللي عندي في البيت و هي:

بهارات مشكله مطحونة ( الخاصة فيك ) ، فلفل أسود مطحون ، كمون مطحون ، خل أبيض ، صويا صوص ، زيت زيتون ، ملح ، كاتشب ، و شوية شطة حارة جدا ..

و بعدين تكوني لابسة قفاز ، و تقلب الدجاج بيديك زين الى ان تحسين انها تتبلت كلها ، و بعدين تغطين الصينية بقصدير و تدخلينها الفرن وهو مطفيء و تتركينها من ساعة الى ساعتين و اتوقع كل ما طولت أحسن ..

بعدين طلعت الصينية وولعت الفرن و لم أحتمى دخلت الصينية مرة ثانية ، و خليتها تطبخ لمدة ساعة تقريبا على نار متوسطة ..

راح تطلع لك الريحة تجنننننننننن ثم أنتي شيل القصدير و تأكدي هي أستوت و الا لا ، و بعدين خذي من الصوص حق الدجاج اللي راح ينزل منها و صبي عليها بالملعقة ثم حمريها من فوق..

بعدين صفي الدجاج في صحن التقديم ، ثم صبي عليه الصوص حقه ، و كليه بالعافية أما مع رز أبيض أو بالخبز يمممممممممممممممممممم ..

أنا سويت معه طبق سلطة ، و بطاطس بتتبيلة من عندي يجننننننننننن شوفوا صورته:




البطاطس:
يقطع عريض شوي زي ما هو واضح في الصورة ثم ينقع في الاتي:

فلفل أسود مطحون ، شوية كمون ، صويا صوص ،خل ، شوية بهارات ، ليمونة ، ملح...

يترك نصف ساعة ثم يحمر ، يممممممممممممم طعم روعة..

السلطة:

سلطة عادية ، خيار و بطاطس ، خس ، قطعتهم ثم حطيت عليهم خلطة تتبيلة السلطة من كنوز بالخل و الثوم هذي صورتها:









و الحين الحلى اللي وعدتكم به:

أعواد خدود البنات

هذا حلا قهوة أخذته من المنتدى بس أضفت عليه بعض التعديلات شوفوا صورته:




و هنا:




و طريقته سهلة مرة:

تجيبي كيس خدود بنات ، و تغزسين في كل حبة عود أسنان .ز
سيحت شوكولاته جالكسي في حمام مائي ..ز
دحرجت الخدود فيه ثم في بسكوت مطحون أو جوز هند أو أي نوع مكسرات تحبين ، و بعضه حطيته سادة بس شوكولاته.ز
دخلته الفريز ( لاحظو الفريز ، يعطيه شكل مجعد حلو ( حشا شعر ) ) ومن بكرة نزلته تحت في الثلاجة الى وقت التقديم..
27-10-1428 هـ, 09:16 مساءً
 
و اليوم سويت البطاطس على غداءي أنا و عيالي لانه أبونا ما كان موجود فكان خفافي ، و جربت الباذنجان مع نفس التتبيلة بس أضفت شطة حارة عليه لانه عيالي ما يحبون الباذنجان ، شوفوا:








و انتظروني مع أول طبق من سفرة رمضان لأخوان زوجي شوفوا صورته:




و بعد هالحلى من تأليفي:





و بالعافية...
27-10-1428 هـ, 09:17 مساءً
 
27-10-1428 هـ, 10:40 مساءً
 
تسلم ايديك ,,
28-10-1428 هـ, 01:18 صباحاً
 
الله يعطيك العاااافية
28-10-1428 هـ, 01:42 صباحاً
 


الساعة الآن 06:47 .