اتفضلي هادي وصفة الاخت امبراتريث

اليوم الغدى كان بشهي وهو القدرة الخليلية لكن اضفتله حمص

فخذة خروف صغيرة 1 كيلوونصف مقطعة قطع كبيرة بعظمها

رز ثلاث ارباع الكيلو

حمص مسلوق كاسة ماء

قرفة عود....بذر القرنفل.....فلفل اسود حب...حب هيل ...ورق غار..... كمون حب ....

حميت الفرن لاعلى درجة

وخلال تحميته غسلت اللحمة وحطيتها بماء بارد وحطيتها على النار

لما بلشت تغلي قشطت الرغوة لحد ما صفيت
وضعت البهارات السابق دكرها مع بصلة مفرومة وشوية زيت زيتون

تركتها على النار نصف ساعة
وبعدها اخرجت اللحمة وصفيت المرق من البهارات


غسلت الرز بدون نقع واضفتله ملعقة كبيرة بهارات قدرة مطحونه (في خلطة خاصة بحضروها بمحلات التوابل للقدرة)

وخلطته مع الحمص

جبت طنجرة فخار والها غطاية
حطيت الرز وفوقة اللحمة

جطيت راس ثوم مغسول بدون تقشير وكم بصلة صغيورة بقشرها فوق اللحمة
وصبيت ضعف كمية الرز من شوربة اللحمة زائد كاسة


عدلت الملح


خلطت شوية طحين بميه وصارت عجينة لزجة تلتصق باليد


وضعت الغطاء على الطنجرة وحطيت العجينة على داير الغطاء عشان ما يطلع البخار
ولفيت فوق العجينة ورق المنيوم( سلفر) طبعا عشان ما تحترق العحينة

حطيت طنجرة الفخار بالفرن لمدة ساعة ونصف


لما طلعتها شلت السلفر وكانت العجينة ماسكة وفاسية
ضخيت عليها ماء من بخاخ بستعمله فقط للطعام لحد ما طريت وقدرت افتح اقدرة


واااااو
الريحة جنان والطعم احلى
رهييييبةلكن احذروا عند فتحها نها بتكون حاميةوالبخار ممكن يحرق يعني ابعدي الصغار
01-11-1428 هـ, 04:14 مساءً
 
يسلموااااااااااااااااااااااااااااا بجدماقصرتي بجربها وبكتب نتائج
02-11-1428 هـ, 07:26 صباحاً
 


الساعة الآن 04:06 .