مشكورين وماقصرتوا بس عندي ملاحظه انا حامل وابغا ادري وش موضه الحامل للشتاء وابي يبكون طويل لاني طويله خخخخخخخخ
ومشكورين

اهلين كيفك..ان شاء الله تمام..
شوفي يعتمد انتي بأي مرحله من الحمل.. الثلث الاول تكونين توب كشخه لانه موب مبين تقريبا
الثلث الثاني:تحاولين قد ماتقدرين ومرات يبين ومرات تحوسين شوي
الثلث الاخير:اعتمدي البساطه وهي اللي تحلي اللبس..

انا الحين بالثلث الثاني وبقولك وش اشتريت..
اخذت لي تنورة مخمل سوداء من مذركير وطبعا البلايز الصوف((موب حقات حمل(( فري سايز يعني حسب جسمك اذا انتي نحيفه يكفيك ميديم حتى وانتي حامل وان كنتي دبدوبه شويتين خوذي لارج اضمن لك
ومع الاكسسورات تطلعين كشخه يعني شال..سلاسل متدليه عالبلوفر
بوت بدون كعب في فيه اكسسوار على جنب او جزمة فلات لانه ماراحت موضتهم


وفيه برضه الهاي نيك خليه لعبتك ممكن تخلينها داخليه وتلبسين فوقها بلوزة عاديه مع تنورة
او تخلينه داخليه لجاكيت طويل زي بالطو وبنطلون
او عاديه خارجيه مع تنورة وتجيبين شال منقط ولا مخطط زي المنتشرات بكل المحلات بس يكون عريض وتسوين فيه لفه من الخصر عالرقبه ويصير زي البودي الصوف
فوق الهاي نك((مرررره شيك))

وبرضه مري على((سيتي ماكس))جايب كم تنورة اشكالهم حلوه وموب غاليات يعني بالنسبه لحامل مايضيق صدرك انك ماراح تحللين قيمتهم اكرفيهم على راحتك
وفيه بناطيل


وبيكوكس((مركز الخيمه_صحارى))برضه عندهم جينز ازرق بنطلون وجينز اسود وبنطلون كاكي بيج غامق كذا يجننون..واسعارهم رخيصه اقل من 100
ومنزلين جاكيتات قصيره
واللي تجي قصة الخصر مرتفعه جاكيت وفيه 4 ازرار كل اثنين جنب بعض
مرره روعه هالموديل
لو رحتي موقعهم بتشوفينهم
وموب غالين من 60-70-80 بالكثير..موب موديلات حمل بس قصتها واسعه يعني يمديك تسكرين الازرار عالكرشه وماتبين:)

بصراحه هذا اللي بمخي للحين..اتمنى لك الفائده
وبصراحه ترا كلنا كنا كذا بمرحله من المراحل
انا اول ماتزوجت كان ستايلي سبور لاني توني مخلصه الثانوي
يعني ماروح مناسبات ضخمه ولا اعرف مصلح تايور فخم وفستان ناعم وهالسوالف
كنت احب جينز تنورة وبنطلون..وماروح لاحد غريب اصلا

لكن بداياتي مع خطوات الاناقه برأي كنت اتعلمهامن الفترينات حقت المحلات
كنت اشوف التايور مركب وجاهز واخذه زي ماهو..
حتى الماركات..
وشوي شوي شهر بعد شهر وسنه بعد سنه..كونت حس ثقافي بالالوان والتراكيب والكشخه
وتعلمت شلون البس ومتى البس كذا ومتى البس كذا
وبرضه اشوف الناس
والتلفزيون والمجلات

واخيرا في ال3 سناوت الاخيره((منتدى الحوائيات))مررره يجننون من لبس لمكياج لطبخ لتنظيف مبدعات ربي يخلي لنا هالمنتدى بس بدون مدري شلون..

مشكوره اختي وماقصرتي بس انا في امريكا يعني بعيده عن هالمحلات

اختي عندك بعض المحلات مسويه تنسيق للملابس
على المجسمات مره طالعه حلوه تقدرين تشوفين وتنسقين على ذوقك
وكل وحده لها ذوق غير الناس..

اخت انوار العمر بصراحة ردك مفيد جدا وجزاك الله خير بس عندي سؤال ، أي فرع لمذركير اللي لقيتي فيه ملابس حمل حلوة ؟ وسؤال ثاني وين محل بيكوكس وش فروعه في الرياض اذا عندك فكرة