Analysis Services
السلام عليكم ورحمة الله وبركاته

حياكم الله جميعا

أخواتي مرة كنت معزومة في بيت إماراتي ومن ضمن المشروبات الي قدمونا شراب به حبات الرشاد وكانه مخلوط بحليب المهم ينشرب حار وصراحة استحيت أسألهم وللحين صار لي اكثر من سنتين اتمنى اعرف طريقته فإذا كان ممكن تساعدوني وتقولولي كيف تسوون هذا الشراب بحبة الرشاد
05-11-1428 هـ, 07:32 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله مادري لكن اذكر صديقاتي الاماراتيات كانوا يسوونه وقت النفس ويقولون ان هذي طريقه من طرق الحسو وهي كانت حليب سائل أو بودره مع شوية هيل فلفل أسود ملعقتين الى ثلاث رشاد ولمى يبدأ بالغليان نقصر على النار الى ان يثخن وبس .......مادري اذا هذا المقصود اولا ياليت خواتنا الامارتيات يفيدونا
05-11-1428 هـ, 10:06 مساءً
 
اذا تقصدين الحريروه فيه ونوعين حديث وقديم القديمه يستعملونها للحرمه في النفاس
اما العاديه لكل الناس بس اتصلح للحامل والله اعلم

الطريقه تغلين ماي مع 3 فناجين سكر في جدر صغير وتحطين عليه حبه حمرا ويم تحسين انها نضجت تخلطين علي جنب في وعاء صغير كستر مع ماي بارد حوالي 3 ملاعق عقب تضيفينه علي الجدر وتحركين وتحطين رشة زعفران وقوطي حليب بو قوس ويم تحسن تماسكه صار معتدل وتطعميه طبعا اذا اوكي السكر او لا

وهذ الي اعرفه اسموحه
05-11-1428 هـ, 10:53 مساءً
 
هاي اسمها حريروه وكل حد له طريقه معينه وهاي طريقة اختنا توت بري
خلي فنجانين حبه حمرا في ماء لمده ساعه او ساعتين وبعدين هاتي قدر وصبي فيه حليب طازج وصبي فيه الحبة الحمراء وشوية قرفة (خاشوقة صغيرة)وشوية كركم (خاشوقة صغيرة)وزعفران وسكر وشوية هال ( ربع خاشوقة)وتخلطيهم بعدين حطيه على النار ويوم يسخن شوية إخلطي في ملة خاشوقه أكل نشا مع خاشوقتين كستر وفيه منهم يحطون شوفان وفيه منهم طحين بس أنا أحطي كستر ونشأ وإخلطيهم زيين وصبيه في القدر وكل شوية حركية ويكون قوامها مب غليضة وايد ولا خفيفة وسط يعني تقدرين تصبيها
في دلة
05-11-1428 هـ, 11:16 مساءً
 
احنا نغسل مقدار من حبة الحمرا وانودنها (بالسعودي انقعها) نص ساعه في ماي وبعدين انحطها بالماي لمودنه به عالنار لين تنضى (تنضج) وبعدين انحط خاشوقتين (ملعقتين) صغار فلفل اسود وملعقتين صغار قرفه مع 3 ملاعق دهن بدو وسكر حسب الرغبه وفي حد يكسر فيها بيضا وبعدين تصبينها فالدله،، طبعا تشربها النفساء عشان تساعدها على تنظيف الرحم وتعتبر مغذيه لها في فترة بعد الولاده،، واحنا نشربها فالشتا اكثر شي وفي يمعت الحريم خاصتا وفي من الرياييل يحبون يشربونها بعد. ومثل ما ذكرت الاخت دلع زاخر كل حد له طريقته والطريقه اللي عطيتج اياها الطريقه التقليديه اللي يسونها العيايز..
05-11-1428 هـ, 11:44 مساءً
 


الساعة الآن 05:24 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏