ممكن رايكم .. مالي الا الله ثم انتو

كيفكم اخواتي ..
وربي مضايقه بالمررررررررررررررره ومع الحمل نفسيتي مثل الزفت ..
وعلى اي شي ابكي ..

السالفه ومافيها ...

انا حامل بنهاية السادس .. وهذا ثالث حمل لي .. ونفاسي قبل كان عند اهلي ..
وكانت امي تحطني دايم بمقلط الحريم وجنبه حمام خاص.. ومشكلة المقلط عندنا انه اول ماتدخلين البيت يكون بالوجه
وولادتي بالشتاء يعني قمة الصقيع لي وللبيبي ..
وعندنا داخل مدخل وفيه3 غرف .. وحده فيها جدتي الله يرفع عنها .. ووحده فيها اخوي عمره 14 سنه تقريبا
والثالثه فيها اختي عمرها 16 معها الشغاله وحمام اكرمكم الله ..
وانا من النوع اللي يقرف كثثثثثير .. يعني مراهقين وجده اللهم لك الحمد ..
وشغاله بعد كملت عالباقي لو هو على جدتي ةاخواني والله ماقلت شي ..

امس اسولف مع امي قلت لها وين بتحطيني اذا ولدت .. تقلب وجهها الوان ..
قالت ابوكي يقول حنا بنغير جلسة المقلط ولايكون تقولي بنتي بتولد وبحطها فيه :(
انا تضايقت بس كتمت بنفسي .. قلت لها والحل طيب ..
قالت مافيه الا انك تكوني مع اختك بالغرفه !!
قلت لها والمحروسه شغالتكم ؟؟
قالت مدري تدبر نفسها ..
قلت لها طيب واذا دبرت نفسها عادي الضيوف اذا جاو يمروون عالصاله واركان البيت كله عشان يدخلون لي بالغرفه ؟؟؟
قالت لا والله موب عادي بس ايش اسوي هذا ابوك وهذا قراره <<<<< انا حسيت اني ولا شي عندهم صراحه ...

قلت لها خلاص يمه .. انا هذا ثالث حمل لي وبجلس بشقتي وبجيب لي شغاله مؤقته تساعدني ..
قالت امي خلاص مافي الا كذا <<<< شفت الوضع عادي جدا عندها .. وربي حزنت وخلتاني اصر يرايي .. علما انه شقتي بالخبر وبيت اهلي بالدمام يعني مو كل وقت تقدر تجيني صح او لا ؟؟

طيب يابنات حتى لو جلست بشقتي بالله من بيسوي لي اكل النفاس ؟؟؟
من بيقوم فيني حتى لو قلت شغاله الشغاله حدها تمسك بناتي وتنظف البيت ..
بتقولون جاراتك .. والله ماعندي جارات اللي بالمره امون عليهم و بنفس المبنى كلهم مصريات يعني مايعرفون اكلاتنا الشعبيه !!!

وحتى لو راح اصر على رايي واقولهم ابي المقلط احس اني عاله عليهم .. وابوي من النوع اللي ينقز بالكلام .. ويتذمر من الضيوف خصوصا اذا جاو مع بزارينهم ..

انا الشغاله المؤقته بأذن الله جايبتها جايبتها لانه شغالتنا اكرهها ومااعتمد عليها بشي فبجيب وحده تعتني ببناتي وتغسل لنا ملابسنا وتجهز بناتي لو جاو عندي ضيوف ..

لكن مشكلتي المكاااااااااااااااااااااااااااااااااااااان .. وين ابجلس بالله

تعبانه نفسيا حاسه بيت اهلي مو متقبليني وامي ماتقدر حتى تعارض كلام ابوي .. لو عالاقل تتفاهم معه شوي اجلس لو اسبوعين عندهم وبعدين اقلب وجهي واروح شقتي .. بس والله مو عارفه شنو الحل ؟؟؟

بالله قولوا لي رااااااااايكم