كم المده اللي جلستي فيها بعد ماتزوجتي وبعدين بديتي تطبخين في بيت الزوجيه...وهل هو طلب منك تطبخين..أو أنتي من نفسك؟يعني فيه ناس اجلسو شهرين من المطاعم يطلبون ..وناس 9 شهور...وناس من ثاني يوم هههههههه وناس طبخت عشاء زواجها ههههههه


وأنتي؟؟؟


سؤال جداً طريف وما فكرت في يوم ممكن احد يسأله

تعرفي عزيزتي ندى الزهور من خبالي اول ما تزوجت كان عند اهل زوجي شغالة

اختك في الله راحت متهاوشة معاها وطاردتها ( واحدة مو متعودة على العزوواثقة في نفسها بالحيل )

ودخلت المطبخ بعد اسبوع الحمد لله احسن من يلي طبخت عشاء زوجها

ولو على زوجي كان اكلنا لمدة سنة من المطاعم لكن ما احب اكلهم (تحب تشقي نفسها )

ومن يومها واختك في الله تحب الطبخ والنفخ ههههههههههههههههههههههه

رجعتيني لورا كم سنة بس ماني بقايله كم احسبوها براحتكم ؟؟؟؟؟؟؟؟؟؟؟؟؟؟؟؟؟؟؟؟؟؟

بالنسبة لي من رابع يوم مع العلم هو الذي طلب مني ذلك فلم يعجبة طبخي بالنسبة لي استحليت الموضوع المطاعم ولكن الان هذه ثاني سنة زواج الى الان لم اخرج من المطلبخ من كثرة العزائم او الولائم الذي يفعلها زوجي مع ذلك الى الان لا يعجبة طبخي ولكنة مجبر على تناولة مع العلم بان الجميع يرون ويشهدون في طبخي الا هو
هلا فيكي يا ندى الزهور وسؤالك مرة حلو
بالنسبة ليّ انا لما تزوجت كان زوجي عارف اني ما أعرف أطبخ لأني كنت البنت الوحيدة عند أهلي وسط 4 أولاد ,, وكنت مدلعة صراحة وما كنت أحط يدي في حاجة ,, ولا تتكلمي عن هذيك الأظافر الطويلة واليد الناعمة وخلافه..

بس الله وكيلك
أول شهر كنا ناكل من المطعم ومن بيت أهلي وأهله , وبعدها انتقلت على الشرقية عشان شغله هناك , ولما سكنا في بيت الزوجية قام راح سوق الاخضار ومعبي لي الثلاجة الخضار بالكرتون من كل صنف ,

سألته ليش جايب كل هذي الحاجات ؟؟
قال ليش يعني عشان تطبخي طبعا ..
وطبعا ما أنسى أول طبخة كانت رز أبيض ودجاج مقلي طبعا بعد السلق وكان شكلها دجاجة بس طعمها مو دجاجة
وهو لما صحيته من النوم وقلتله قوم للغداء وشاف السفرة قال الحمدلله انا شبعان

والله يعينه عاد على الاختراعات والتجارب , وكل ما اشوف شي ما غير أجرب , وتروح في بطن المسكين
وتعالي ياندى الزهور وشوفي هذيك الأظافر المقصقصة الأليادي المخشبة من شغل البيت
والله انه كله طلعه من عيوني

بس الحين الحمدلله صار يحب طبخي ويمدح فيني قدام الناس ..

أختكم قرقورة ..
عندنا الام تحضر لابنتها الطعام فى الايام الاولى للزواج وكل زيارة تجيب لها المحمر والمشمر ولكنى بدأت من الاسبوع الثانى من الزواج وذلك لانى لا اعرف الطبخ وبدأت اسأل صديقاتى عن طريقة عمل المكرونة وشوية شوية بدأت اطبخ الاكلات الغريبة اللى بشوفها فى التليفزيون وبعد ما رجعت الشغل سألت زميلاتى فى العمل ، اكتب الطريقة وارجع الى البيت واطبخها ثم اشتريت كتب فى الطبخ ، اهلى واصدقائى لا يصدقوا الى الان انى بطبخ وكمان بيعطى لهم وصفات جديدة ، وزوجى والحمد لله رغم ان كلامه فى السابق عن اكل امه واخواته البنات لا يعلى عليه الا انه الان لا يأكل غير من ايدى ويمدح اكلى دائما امام الاخرين، كله بفضل الله


الساعة الآن 03:17 .