اخخخخخخخ عورتو بطني من الضحك.....

بقولكم سالفتي بس تراهاااااااا طويله اللع يصبرك..

طبعا لما جوا اهل زوجي يخطبوني امي قالتلهم اني اعرف اطبخ..وانا قلتلهم الحقيقه اني مااعرف اسوي رز..\

<<<<<<<ينقال تعرف باقي الطبخات

المهم تزوجنا وخلص شهر العسل وجا بعدها شهلا ثاني..والاخت طبعا متحمسه وماخلت كتاب طبخ الا وشرته..
وكنت احنننننننننن على زوجي يله بسرعه خلنا نشتري الفرن ونقضي الاغراض..
وشرينا الفرن ....وماسكت....يله باقي الاغراض..
ورحنا المخازن وعبيت العربيه ....طبعا قبلها كنت اقرى كتب الطبخ الجديده واكتب كل شي عاجبني.
خخخخخخخخخخ
اول يوم رز ابيض مايناكل....خخخخخخ طبعا بدون دجاج ولا لحم....ينقال اني مسويه مصقعه...
ثاني يوم احترق الجدر.........ينقال اني طباخه....والله خليت الفرن بس خمس دقايق عشان اتروش...عشان يتسكر الرز.....خخخخخخخخخخخخخخ......واثره تسكر عدل ....وجا زوجي يركض يحسبني احترقت..من الابخرررررررره..
ثالث يوم.....رابع يوم......والرجال متحمل......
طبعا زوجي مايقصر يطلع عيوبي........
وغير انه يقول اهلي واهلييييييي.....
والحين الحمدلله......صرت اعرف كيف يسووووووون الرز...
والسر طبعا .....الجدر ماكنت اسكره عشان يستوي الرز من داخل....
طبعا بالرغم من اني صرت طباخه.خخخخخخخخخ........لكني مااسلم من التفحم
هههههههههههههه الحمدلله وسعتو صدري يعني مو بس انا حوسه في الطبخ اول الزواج والله انا عندي الحرق ياكثر ماحرقت القدور وابلش بتنظيف الحراق عساني انظف كاسات وصحون انظف حراق ويوم مليت صرت ارمي القدور باالزباله يعني منتهى الفوضى واقوله نبغى قدور جدد ويشتري ولايدري اش السالفه يحسبني بس كذا ابغى زياده قدور
كملي ياقرقورة .. سوااااااليفج حلوة.. وتضحك!!!!!!!!!!!!!!!

ههههههههههههههههههههههههههههههههههههههههههههههه

سوالفكم حلوة والله خواتي..

عني أنا .. كنت بيت أهلي قبل الزواج أسوي مرات أشياء بسيطة بس أحب شي أسمههههههههههه شكل.. يعني لازم الأكل يكون مرتب.. وحتى لما كان يزورني خطيبي (زوجي حاليا ) لازم اللي أحطله اياه يكون مرتب وسهرانه كيف برتبه وبزينه..

المهم نرجع للموضوع الأصلي.. بديت بعد كم شهر من الزواج يوم انتقلت لبيت بروحي وكنت بعيدة عن أهلي وعن أهله..

من أول يوم عالقول.. قلت بطبخ رز للغدا وبطبخ معكرونه للعشا.. لاكن والللللللللله بعدها ماقدرت أقوم من مكاني.. طول اليوم وانا طايحة عالكنبة وهو يعلق يقول اللي يشوفج مسوية قوزي.. ماجنج مسوية شوية عيش ومعكرونة..

طبعا هو يقول جذيه عشانه ماقطع الدجاجة ( معركة وياها وطبعا أوووووووول مرة أقطع دجاج ).. وماغسل المواعين.. والجدووووووووووووووور ( أبد ماحب أغسلهم وكنت أنتظر يتغدى وعلى طول يقولي أنا بغسلهم عنج وأنا مستانسة أوني تعبانة من الشغل هههههههههههه ).. ومرات نتغدى رز ومرات معكرونه ومرات ( خبز وجبن ) ومرات من برع.. يعني منوع..

خواتي تدرون أحس الطبخ حلو.. بس يبيله صبر ووحدة تحب تخلط .. وشوي شوي قمت أطبخ أحسن.. يعني مو لهاك الزود بالحلاة لاكن عادي يتاكل .. وتعالوا لحرق البصل وغيره.. والزبالة ( كرمكم الله ) تقول أنا .. وهل من مزيييييييييييد..

وشووووووو بعد.. بس سلامتكم..

انا طبخت اليوم الخامس من زواجي ....والمشكله كنا مسافرين وزوجي قال طفشنا من أكل برا خلينا نجرب طبخك
وانا اصلا أعرف أطبخ عند اهلي... صح مو ذاك الزود بس متعلمه..
المهم ينقالي بسوي مضغوط في قدر الضغط ...وكنت دايم اسويه عند اهلي ويزبط....لكن الرز اللي جابه ما ادري وش نوعه وقدر الضغط غير اللي عند اهلي....والله لا يوريك وشطلع
زوجي يوم شافه قال: (أول مره أشوف رز معصود وحب)وهو صادق مااستوى ومعجن. بس الحمدلله اكلنا الدجاج والسلطه
فبعدها ماعاد قال سويلنا ولا شي...وعلى قوله...يقول يوم شفت طبخك قلت الله يستر إذا وهي متكلفه طلع هالطبخ أجل وش طبخها العادي
وبعدها بشهر تقريبا وبعد إلحاح مني (خايف) سويت مكرونه بشاميل وعزمت اهله ...وعجبتهم مرررررره...وصارو كل خميس يجون عندنا ويطلبون المكرونه
مع إن أمه طباااااااااخه ماشاء الله لكن الحمدلله ما تميت كم شهر الا وحصلت على رضا زوجي


الساعة الآن 04:25 .