اليوم جايبه لكم طبق الكل يحبه وفي نفس الوقت مميز بالنسبة لنا أحنا الخليجيين وهو دائما الطبق المقدم في الضيافة غالبا وهو الأرز أو الكبسة , المهم كثيرات منا يدخلون عليهم ضيوف فجأة ويتوهقون وش يقدمون لهم أكل لذيذ أو طبق يرفع الراس ويبيض الوجه و بدون تعب
أو تكون مشغولة في المطبخ وطنش ضيوفها
عندي لكي الحل اللي صراحة ريحني وريح أخواتي وكل اللي عرفه وهو المندي
مالك إلا تكبك بين كل شي في القدر وترمينه في الفرن وتتفرغين تقهوين ضيوفك على رواقه بدون روحه وجيه على المطبخ وبدون ريحة بصل للي يكرهون البصل وترجعين له بعد ساعة
المقادير :



ورق غار _ قرفه _ هيل _ فلفل اخضر
جزر مقطع طوال او مبشور حسب الرغبة
قطعه صغيره زبده وبإمكانك استبدالها بـ سمن بلدي
زبيب
كاجو أو صنوبر أو الاثنين مع بعض حسب الرغبه
ماء كادي أو ماء ورد وأنا أفضل ماء الكادي في الكبسات
دجاج متبل بــ بهارات منوعه على حسب رغبتك ومدهون بصفار الزعفران وقليل من الطحينة السايله على حسب الرغبة


نضع الرز والجزر وورق الغار والدارسين والهيل والفلفل الأخضر وقليل من ماء الكادي وملح والزبده وقليل فقط زيت ونصب عليه ماء مغلي ونحرك جميع المقادير في القدر ونتأكد من ان الملح مضبوط واذا تأكدنا نرش الزبيب والكاجو فوق الأرز بدون ما نحركه ابدا لأني ابي المكسرات تبقى فوق الأرز


وبعدين ندخله في الفرن المخصص له وهو فرن المندي زي ماهو موضح الدجاج فوق وقدر الأرز تحت الدجاج مباشره ، ونجهز جمره مولعه وكأس زيت ونضع الجمره في الكأس

ونغلق الفرن مباشرة وبعدين نشب النار عليه ونتركه قرابة الساعه في الفرن بدون
مانفتحه


وهاذي النتيجه هاذا الدجاج محمر ومقمر عكس المندي لمن نشتريه من المطاعم يصير كأنه مسلوق وكله زيت


وهاذا الرز وفوقه الكاجو والزبيب

يتبع
06-11-1428 هـ, 06:42 مساءً
 

5.00

عدد التقييمات: 1
5
100%
4
3
2
1
ايش هو فرن المندي الله يعافيك
06-11-1428 هـ, 06:53 مساءً
 
وهاذا الرز بعد التقديم في الصحن





وبالهنا والشفا
ملاحظاتي على الطبق :
1- بأمكانك انك تضعين مع الأرز حليب السعوديه قليل ليكسبه لون ابيض ناصع
2- بأمكانك استبدال مكان الزبده بـــ سمنة المراعي تجي على شكل علبه لونها اخضر طبعا تضيف على الكبسه ريحه جنان
3- عند التقديم قدمي معه الدقوس
4- الرز يطلع ياسلام مفلفل كل حبة رز لحالها يعني بروحها وتاكلون فيه ما تشبعون
5- بأمكانك وضع الجمره فقط داخل الفرن بدون وضعها في الزيت وكل وحده على حسب رغبتها لأن الدجاج يسير يطلع زيت وينطش على الفحم ويطلع ريحه برضو بس انا لأني احب الريحه تكون مركزه
6- طبعا بتستغربون وين البصل مافيه بصل والميزه انه كأنه مكشن زي ماشفتو
7- وبتستغربون وشلون الرز صار اصفر ؟ هاذا من الدجاج لمن ينقط على الرز يكتسب الرز اللون الأصفر
صدقوني جربوه وبتكرهون المندي حق المطاعم لأن الرز حقه يجي ناشف وينشب في الحلق

اي استفسار انا جاهزه لعيون بنات حواء
06-11-1428 هـ, 07:30 مساءً
 
ما شاء الله تبارك الله تسلم يدينك والله يعطيك العافيه والله شكله يشهي
وباين عليه لذيذ واتوقع ينفع في الفرن العادي ونحط الفحمه بعد ماينتهي
والا ايش رايك الله يجزاك خير
06-11-1428 هـ, 07:37 مساءً
 
اقتباس مشاركة  (ام اليـزيد)
ايش هو فرن المندي الله يعافيك




هاذا هو الفرن حق المندي
06-11-1428 هـ, 07:45 مساءً
 


الساعة الآن 01:44 .