السلاام عليكم

وجتكم الهذاره على قل سنع

وشلونكن كلكن


همانى ==> رجعنا لهمانى بعد


موب سويت الغداء قلت ارزه عندكم وش ورانى

ترا موب لازم تمدحون ==> مو كنها تقول تكفون امدحونى

ترى لكم على التصوير زى وجه العدو

اول صورة للرز الابيض وبجنبه فته

(( الرز تسوينه عاادى بطرقتك ))

الفته (( باذنجان مقلى الطبقه الاولى _الطبقه الثانيه ,, ملعقتين طحينه سايله . علبه زبادى .ثلاث فصوص ثووم . ملعقتين لبنه . شوى ملح اخليطهن بالخلاط وحطيهن فوق الباذنجان _ الطبقه الثالثه خبز توست مقطع مربعاات ومحمرته على النار بشوى زيت )) ==> اخذتها من المنتدى بس ناسيه اسم صاحبتها الله يجزاها الجنه يارب

وهذى هي



والطبق الثانى

بطاطس بالجبن

بس عليه الشكل اللهم لك الحمد
موب جبت صينيه صغيره والكميه كبيره فرصيت امهن وش اسوى حراام اكبهن

الطريقه ==> مايبونها ارتاحى
اخذتها من هنا برضه
بطاطس مسلوق تقطعين نصفين وبعدين تفرغين النص وتحطين مكانه جبن مبشور ودخليه الفرن يتحمر شوى مو مثلي
ترانى تونى اتعلم لاتشرهون

وهذى الصوره


الطبق الثالث
دجاج صينى يهبل حنا نسوى بالعاده بالربيان بس هالمره حطيت دجاج

(( تاخذن دجاج تتبلينها باى تتبيله تحبينها وتفضلينها وتخلينها ربع ساعه _وبعدها تقلينه

تقعين لك بصل وتحمسينه على النار لين يذبل بعدين تضيفين ثوم وتحمسينه بعد بس لا يصفر

وبعدين تقطعين شرايح جزر وتضيفينها وشرايح فلفل بارد وتضفينها وشرايح كرنب وتضيفنيها وتخلينهن شوى على النار يحمسن لين يصيرن نصف استواء وملح طبعا

بعدين تجهزين الخلطه (( 2كاس ماء و2 ملعقه نشا وملعقه كاتشب ))وتصبينه على الخلطه وتخلينهن يختلطن على نار هاديه لين يبدا يثقل الخليط

جيبى صينه حطى الدجاج وفوقه الخضار واخطليهن ودخليه شوى بالفرن

وهذى صورته


وهذا عصير نوعين عصير اصفهانى (( كل كاس مانجا ملعقه زبادى وملقعه حليب بودره وبقاع الكاس فيمتو ))
والعصير الثانى فرواله مع مانجا اللى يجن جاهزات المجمدات بس طحنتهن واضفت لهن 2 فنجال سكر وحليب والله يجنن



وهذا العصير الثانى من قريب

ترى شكله موب كذا بس انا خلطتهن مه بعض والا بالعاده طبقتين يجنن




وبس الحمدلله على النعمه
سوينا ذاك اليوم (( رز ابيض مع دجاج صينى _ فته باذنجان مع بطاطس بالجبن وعصيرين ))

نعمه والله الله يديمها بس

ويرزقنا شكرها يارب
09-11-1428 هـ, 08:05 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
رووووووعه
09-11-1428 هـ, 08:10 مساءً
 
يازين المجاملات

تسلمين يالغاليه

اكيد رووعه ==> تقصد يروع يعنى

الله يسعد قلبك يارب ويجزاك الجنه يارب
09-11-1428 هـ, 08:24 مساءً
 
هذا وتقولين انك ما لك في الطبخ

تسلم الايادي
09-11-1428 هـ, 08:29 مساءً
 
تسلم يدك.........وبالعافيه عليكم
09-11-1428 هـ, 08:34 مساءً
 


الساعة الآن 09:53 .