مواقف للاطفال مضحكة

السلام عليكم ورحمة الله وبركاته
الاطفال زينة الحياة وسرورها احيانا الواحد يكون طفشان من متاعب الحياة ويسمع سالفة عن احد الاطفال وتضحكه وتنسيه همه لان الاطفال سواليفهم من قلب وعفوية الله يرزق كل محروم
اولابابد بسواليف بعض الا اتدكرها وان تدكرت اضفتها واي اخت عندها سالفة عن اي طفل تضيفها وارحب فيها
اولا عندي ولدي عمره 6 سنوات لم قلت له لما تروح المدرسة وش بتاخد معك قال شنطة ودفتر وقلم وجوال قلت معصي ممنوع وجوالي مااعطيه لاحد وهو دايم يحب يكلم بجوالي ولاماعندنا عيال تشيل جوال مثل عيال هالوقت
وسالفة لبنت اخوي عمرها4 سنوات وكان رايحين يتقضون من العثيم وهم مركبينها بالعربيه شالت لك علبة كبيرة لجبنه سالية وطيحتها بالارض واتكسرت والكل يطالع فيهم
مره ولد اختي يطلع البيض من التلاجة ويكسر على الارض قالت امه ليش قال ادور الصوص
سالفة صارت بيتي زارنا صديق زوجي مصري وزوجته ومعاه بنتين 7 و4 سنوات المهم كان زوجي بالمجلس مع زوجها وجا لحد المقلط ينادين يابنت علشان يكلمني وقتها ماكان عندي عيال ينادني باسمهم وكان بنات صديقتي واقفين وثاني يوم اتصلت صديقتي وقالت لي ان بنتها بتقول لها ان عمو فلان اللي هو زوجي بقول لطنط يابنت وهم مستغربين هالمناده ياحليلهم هالبنات ادب واخلاق وكان اينادون طنط زي خالتي عندنا
ومرة سالفة قديمة ايام مافية تلفونات وجوالات كان لما يصير عزومة عند احد كانوا يرسلون الاطفال يعزمون جيرانهم اللي صار ان جارت امي تقولها جاب زوجي ذبيحة للتلاجة واعيالها ماصدقوا شافوها راح يعزمون من كيفهم ومادرات الحرمة الاوجارتها جايت مع بعض وخافت ان فيه شي قالت خير عسى ماصار شي قالن لا بس انتم ماعندكم عشاء قالت لا من قال قالت عيالك اعزمونا قالت حياكم الله وارسلت زوجها يجيب عشاء وبعد العشاء شاف شغلهم مع العيال الكرما

و للسواليف بقية:)وارحب باي اضافة