السلام عليكم ورحمة الله وبركاته لوسحتم ماهي أفضل تتبيلة لريش الغنم قبل شويها ! وإذا تكرمتو أن تضعوا لي طريقة كاملة لصنعها وشويها إذا كان بالفرن أو الشواية ، وماذا يقدم معها من رز أو خضارأوغيرها .....!!

افضل طريقه لريش الغنم تتبيلها وشويهاعلى الفحم
بالنسبة للتتبيله
على حسب كم عندك من قطعه من الريش فلنفرض 15 قطع
نحط معها علبتين زبادي صغار + فنجان قهوه مليان صلصة الصويا + 3 فصوص ثوم مهروسه + ملعقة صغيره ماجي ( اجينا موتوا )الابيض + ملعقه صغيره فلفل اسود + ملعقه صغيره بهارات + عصير ليمونه وحده + قليل من الملح ( لاحظي انه صلصة الصويا راح تكون مالحه) واتركيها تتبل في الثلاجة يوم كامل وبعدين اشويها
راح تذوقين ألذ ريش
( ادعي تكفين انه ينولني الي ببالي ويشفي اخوي واختي )
انا طريقتي اشوي تختلف وانتي اختاري المناسب لج

تاخذين الريش وتغسلينه بعدين تاخذين بصله عوده وتبرشينه بالمبرشه طبعا البصل على حسب كميه اللحم وتفركين البصل في اللحم زين وبعدين تحطين عليه ثوم مدقوق وتفركينه عدل في اللحم بعدين تعصرين عليه لومي اخضر وتبلينه بالفلفل الاسود والملح واللومي الاسود البودر تحطين عليه وتتركينه في الثلاجه ليله كامله وعقب تشوينه او على الفحم او فوق الشوايه الكهربائيه وتسوين معاه عيش بالزعفران وتحطين من فوق العيش جم قطعه زبده يمي يمي وتاكلين اصابعج وراه
بالعافيه عليكم لين سويتيه تذكريني بالخير.

تسلم إيدك إختي العزيزة أم الأطخم على طريقتك الحلوة و***** الله تنالي يلي ببالك ويعافي أخوكي وأختك يارب.....
شكرا كتير أختي الغالية ليل البنادر على طريقتك الرائعة و***** الله بساوي الطريقتين وبتذكركن وبدعيلكن


الساعة الآن 08:24 .