Analysis Services
مرحبا حوائيات

كيفكم ...انا ادري انه مافي احسن منكم بالمطبخ ماشاء الله عليكم اللهم لاحسد

زوجي يحب كثير المشويات الي بالمطاعم الي يجي شيش طاووق وكباب واصناف ثانيه...

وبعد استوع بيجي من رحله رايحه للعمل وودي اسويله صحن منوع من المشويات ...

سااااااااااااااااااااااااااااااااعدوني بالطرق لاني ماعرف الا الشيش طاووق ساعدوني بالاشياء الثانيه

ويعطيك الف عافيه
12-11-1428 هـ, 03:22 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
افاااااااااااااااااااااااااااااا متهقيتها منكم
13-11-1428 هـ, 03:03 صباحاً
 
اختى سوي بحث في (قوقل ) اكتبي مشويات ويطلع لك كل ماتتمنيين من طرق الشوي
والله هذا اللي اقدر عليه
13-11-1428 هـ, 08:40 مساءً
 
مساج الله بالخير اختي رنوش

الله يوصله لج بالسلامه يارب وتقر عينج بشوفته بإذن الله

بالنسبه للشيش طاووق انا اسويها كالاتي

احط في الخلاط نص او كوب كامل عصير ليمون وحبة بصل وملح وفلفل اسود حسب الرغبه وممكن ثوم اذا حبيتي وممكن فلفل حار اذا تحبونه سبايسي وتقطعين صدور الدياي مكعبات وتنقينها في الخلطه ومعاها البصل المطقع مربعات والفلفل الاخضر وبعدين تشكين الدياي بأعواد الخيزران وترضينها في صينية الفرن وتصبين عليها باقي الخلطه وفي الفرن لحد ماتستوي

الدياي المشوي
في الخلاط حبة بصل و2 فص ثوم و1 ملعقة كبيره سماق وملح حسب الرغبه ونص ملعقة فلفل اسود وفلفل احمر حار حسب الرغبه وفلفل اخضر حلو تقريبا نص حبه متوسطه او اقل شوي ونص كوب او كوب عصير ليمون حسب الكميه اللي بتسوينها وكاتشاب حسب الرغبه وبعدها تصفين الدياي في صينية الفرن وتصبين عليه الخلطه ولما يستوي الدياي ادهني الوجه بالكتشب وصبي عليه ماي الخلطه اللي في الصينيه ورجعيها الفرن تتحمر وبالعافيه .. وممكمن تنقعينها فتره وتحطينها في الفرن حسب الرغبه (الكميه تكفي لديايه أو ديايه ونص حسب الحجم)

اللحم المشوي
في الخلاط تحطين بصله كبيره وفلفل اخضر بارد نص حبه وثلاث أرباع كوب عصير ليمون وثلث ملعقه صغيره بهار حلو وثلاث ارباع ملعقه صغيره فلفل اسود و3 أو 4 حبات مسمار (قرنفل) وشوية بزار مخلوط تقريباً ربع ملعقه صغيره وثلاث ارباع ملعقه صغيره ملح الليمون وملح حسب الرغبه وربع ملعقة دارسين (قرفه) وربع كوب خل او اقل عشان يطرا اللحم وبعدها نحط اللحم في كيس الفرن نصب عليه الخليط او في صينية الفرن حسب الرغبه بس احنا نسويه في الكيس عشان يستةي بسرعه (الكميه لكيلوين لحم تقريباً)

الكفته
كيلو لحم مفروم شبت وبقدونس و1 ونص ملعقه صغيره ملح او حسب الرغبه ونص ملعقه صغيره فلفل اسود وشوية دارسين وشوية بهار حلو وربع كوب بقسماط وحبة طماطم صغيره مبشوره وبصله كبيره مبشوره وتعجنيها وتشكلينها وتحطينها في الفرن تنشوي او على النار تقلينها في شوية زيت

وهني وعافيه على قلوبكم يارب

واسمحي لي اذا طولت عليج
13-11-1428 هـ, 09:10 مساءً
 
عزيزتي شوفي صور هذا الرابط تعطيكي افكار وادعيلي

ملف صور خاص بالمشاوي BBQ
13-11-1428 هـ, 10:03 مساءً
 


الساعة الآن 03:50 .