السلام عليكم
هلا اخواتي الله يسلمكم بصراحه شجعتوني انتم وغلا بس تعالي يا غلا لا تحرمينا من اسلوبك
وترى كلنا عارفين لك ومزحك وبصراحه مزحك يحلي الموضوع خلي الدلع وتعالي
ودقي السوالف وماشاء الله عليكم كل طبق احلى من الثاني الله يسلم هاليدين ويعطيكم العافيه
الا يا اختي ام هنوفي وش طريقتك في البرياني شكله خطير و لا تنسون الشروط
وبما انكم شجعتوني ابنزل صور

هذي صورة المقلوبه وكنت منزلتها في موضوعي تعلم الطبخ وهذي طريقتها
المقلوبه
يسلق الرز في ماء وملح وماجي أبيض ويترك حتى ينضج ثم يسلق الدجاج المقطع ارباع نصف ساعه ثم يحمر في الزيت ويقطع الباذنجان والبطاطس حلقات ويقلى في الزيت ثم نقوم بعمل كشنة طماطم يقطع البصل ويحمر في القليل من الزيت ثم تضاف الطماطم المفرومه والصلصه والقليل من الملح والفلفل الأسود والبهارات ويترك حتى يتسبك ويقطع بصل الى شرائح طوليه لعمل كشنة الوجه ويحمر في القليل من الزيت ويضاف عليه القليل من الليمون الأسود المطحون وذرة هيل وذرة صفار الزعفران ويقلب حتى يتحمر ثم نحضر صينيه أو قدر ونضع الطبقه الأولى كشنة البصل ثم نضع فوقها قطع الدجاج ثم نضع حلقات الباذنجان والبطاطس ثم نضع كشنة الطماطم ثم الطبقه الأخيره الرز المسلوق وتغطى الصينيه او القدر ويترك على نار هادئه جدا نصف ساعه أو ربع ساعه وممكن اضافة الفلفل الأخضر البارد للنكهه وعند التقديم تقلب الصينيه في صحن التقديم فيكون الوجه البصل ثم باقي الطبقات والمقلوبه سهله وتطبيقها سهل مره ولذيذه وتقدم مع اي نوع سلطه حسب الرغبه وبالعافيه



وهذي صوره اقرب



وهذي بيتزا البطاطس تصلح عشاء وهذي طريقتها

صينية بيتزا البطاطس

اربع حبات بطاطس تقشر وتقطع حلقات ثم تقلى في الزيت وبعد القلي تصف في صينيه بايركس
ويوضع على وجهها كشنة طماط يقطع البصل صغار ويحمر في القليل من الزيت ثم يضاف عليها الطماط المفروم وملعقتين صلصة طماط وملح وفلفل اسود وماجي ابيض وتترك على النار حتى تتسبك ثم على البطاطس ثم يوضع عليها شرائح الزيتون وشرائح الفلفل الاخضر جبنة الموزريلا وتدخل الفرن حتى تذوب وتتحمر الجبنه



وهذي صوره بعد ماقطعتها

30-11-1428 هـ, 09:55 صباحاً
 
هلااااااابك حجابي عفافي
ياقلبي انتي تجننننننن مقلوبتك ماشاءالله ..... اما طريقتي بالبرياني يالغلااااااااااااا
هي اولا:
اقطع الدجاجه 4 اقسام واشيل الجلد واقطع بصل صغير+فلفل رومي صغير + 2 طماط مفروم>> (الطريقه): احمس البصل والفلفل مع شوي زيت واذا ذبل احط عليه الطماط واحط الدجاج واحط ملعقه من بهارات البرياني اشتريها من السوبر ماركت اسمها بهارات البرياني وافضل شي مهراااااان واحط ملعقة معجون الطماط وحبة ماجي وشوي ملح وشوي فلفل اسود وشوي كركم واحط ليمون مجفف وورق غار و4 حبات هيل و4 حبات قرنفل واحط قرنين فلفل حارواحط كاسة موي واخلي النار هاديه واخليه يتسبك لمدة نص ساعه يمكن...

بعدين <<<<<<<< اقشر 4 بطاطس واقطعهن قطع كبيرة نسبيا وبعدين احطهن على الدجاج وبعد 10 دقائق احط الزبادي علبه واحده واخليه شوي مع التحريك من فترة لفتره يعني يمكن 5 دقايق وبعدين اطفيه واضيف عليه كزبرة مفرومه....,,,

بعدين اسلق الرز مع شوي ملح وماجي ابيض وبعدين اشخل الرز واجيب قدر واحط نص مقدار الرز فيه بعدين احط الدجاج وبعدين احط النص الباقي من مقدار الرز واغطيه واحطه على نار مقصورة مرة وبعد 10 دقايق احط عليه الكشنه وارش فوق الرز شوي من الزعفران المطحون واغطيه وبعد 10 دقايق اقلبه في صحن التقديم وبالهنا والعافيه....
30-11-1428 هـ, 04:41 مساءً
 


طلع طبقنا على قدنا ماعجب احد
30-11-1428 هـ, 04:55 مساءً
 
غلا اها بس وش هالدلع والتزعل..صار زعلك جماعى ..ههههه
وش ما تسولفين اتحداك اذا صبرتى ...ماسولفتى .. بجيب اخواتى كلهم وقرايبى ونكشت في موضوعك (ترا لى اربع اخوات عضوات.. في المنتدى وبنات خالى واخوات زوجى
وبنت اختى . وسلفات اختى..) حجابي يالا ..همتك طلعهن من هم هالعضوات ..
بس وراك احرقتى الغداء... بلا من زود السناعه

امس صلحت خبز ( الى .. اخذته طريقته من بنت الدار) واحطها في الفرن جلست عند التلفزيون في الدور الثانى ونسيت الفرن ان فيه الخبز...( المطبخ في الدور الاول) ...يوم وصلتنى ريحته احتراق الخبز >>>صح النوم
وانزل طايره ( دبدوبه وتركض مسرعه...ابد ماتقولين إلا بالونه تطير )
للمطبخ الله لا يوريكم

ما عاد اقدر ادخل المطبخ ..من الدخنه بس سيطرت على الوضع تمام ...شفتى انى سنعه...


مشاء الله وش الزين وش الطبخات والغديات الى تفتح النفس..
كل طبق يقول الزود عندى ...
الله يزيدكم ولا ينقصكم ..
ونحفنى ولا يسمنى من غير شر على
ويسمن غلا الدلوعه
ويساعد حجابي على معرفت منهم اخواتى ههههه

بحاول انزل لكم صور اى شئ عندى ..ترقبونا
30-11-1428 هـ, 05:01 مساءً
 
راحله
والله اعجبنى طبقك وصوص صراحه شئ .. ..سويت له نسخ بطبقه اى يوم لعيالى على العشاء
وانت مشاء الله عليك ماعطيتينا فرصه نسال حطيتى الطريقه مع الصور متقيده بشرط تمام ..
30-11-1428 هـ, 05:04 مساءً
 


الساعة الآن 01:24 .