السلام عليكم ورحمه الله وبركاته

بنات عالم حواء بغيت مساعدتكم انا ناويه اعمل تخفيف والرجيم اللي عندي فيه

صدر دجاج -خضار سوتيه -صالونه خضار-سمك مشوي-شوربه عدس-صالونه دجاج-شوربه خضار-صلصه خضار-أرز بدون زيت

ياليت تعطوني طرق سهله علشان اقدر ابدي بالرجيم واقدر اسوي الاكل بالبيت

ولكم الاجر بأذن الله

الرجيم الحقيقي هو
( ترك السكريات والحلويات والسمن والزبده) وشرب الماء والشاهي الاخضر والحركه (مايلزم شغاله تقوم بالواجب )وتصبحين رشيقه جدا
اقتباس مشاركة
الرجيم الحقيقي هو
( ترك السكريات والحلويات والسمن والزبده)
فعلا هذا الريجيم الحقيقي

لكن بعد ماتتركين الريجيم وترجعين لأكلك الطبيعي

تعالي شوفي وزنك كيف يصير

انا الحمدلله ماني تبع ريجيمات وحركات بس هذا اللي اشوفه

فالواحد اللي يبي يخفف لايحرم نفسه من كل شي

لازم يعود جسمه على السكريات والدهون لكن في حدود المعقول

اذا يبي يحافظ على جسمه ومايحرم نفسه من شي

اعتذر لصاحبة الموضوع عن الخروج عن نطاق الموضوع

ولكن حبيت ابين نقطه للأخت mhs6793

والاخت pinke222

فيه وصفات كثيره وسهله للمنيو اللي عندك

فمثلا صدر الدجاج

تقدرين تتبلينه بالتتبليه اللي تحبينها وتشوينه في الفرن

او تقدرين تسلقينه بعدين تشيلينه من الماء وتشوينه في الفرن

والمرقه تسوين بها شوربة خضار

يعني قطعي الخضار اللي تحبينها او ابشريها

وضيفيها للمرقه وعدلي الملح والبهار

وشوربة العدس سهله مايبيلها

قطعي بصله صغيره وشوحيها في نقطة زيت << للريجيم طبعا

وحطي عليها الماي المغلي (مو تحطين ماء كثير بعدين تصير خفيفه)

وضيفي لها العدس بعد ماتغسلينه طبعا

وانتظري لين يستوي العدس بعدين اخلطيها بالخلاط وشوفي اذا تحتاج

ماء زياده ضيفيه لها يعني انتي وذوقك كيف تحبينها خفيفه او ثقيله شوي

وحطي ملح وشوي فلفل اسود وكمون وبس بالهنا والشفاء

ونصيحه مني لاتعودين جسمك على حرمانه من السكريات والدهون وغيره

لأن بعدين حتى لو حبة سكر تفعل مالا يحمد عقباه

ولي عوده باذن الله وان شاءالله مع طبق
سوفليه الشوكولاته
شوفي ياقمر

سوتيه الخضار انا اجيب الخضار الموجوده عندي واخلطها بمحضره الطعام واحط نقطه زيت زيتون وفلفل اسود وشويه زعتر وبدل الملح اعصر ليمون واشوحها على النار عشر دقايق

وممكن تسوين نفس الطريقه بس بدون خلط للخضار

كمان ممكن تشوين الخضار في الفرن قطعي البادنجان شرايح وحطي عليه شويه زيت زيتون عشر دقايق ورصيها بصحن وغمسيها بزبادي

هذا بالنسبه للخضار

اما الدجاج و السمك من الافضل انك تبليها من الليل وهي انك تخلطين بالخلاط ثوم وبصل وبندوره وشويه بهارات وليمون وزبادي اضيفها على الدجاج او السمك واليوم الثاني بس حمريها بالفرن او بالشوايه الكهربائيه

وممكن تقطعين خضار بقصدير وتضيفين لها الدجاج او السمك مع شويه بهارات وشويه مويه وتغلفينها وتحطينها بالفرن واذا طلعتيها من الفرن اعصري عليها ليمون بدل الملح

اما الرز مايحتاج مويه وملح بدون زيت زي الرز الجاوي

اتمنى اكون افدتك ياقمر


الساعة الآن 03:54 .