حالتي النفسيه

ام نوسه الحلو • 16 سنة

يااختي استغلي حالتك النفسيه في الاستغفار مراجعة النفس اقري قران والاذكار اشغلي نفسك باي هوايه تحبيها
اتجهي مثلا للرسم للخياطه للديكور سلي حياتك بنفسك وابدئي بنظام تخفيف وانتبهي للسعرات الكثيره وامشي باليوم لو نص ساعه روحي السوق امشي وتمشي وغيري جو شوفي الملابس الي تحبينها وقرري انك بتنحفين وتصيرين احلى جسم
صدقيني المسئله يبيلها صبر وعزيمه اول اسبوع بيكون صعب بس بعدين بتتعودين وترتاحين
حاولي مثلا المكان الي تجلسين فيه في البيت كثير تحطين فيه تغيرات او لمسات تفتح النفس عشان نفسيتك انا لما اطفش بس اسحب بهالدولاب تبع التلفزيون وابدل مكانات الكنب وسبحان الله ارتاح واحس بتغيير
انا اهلي بالرياض وانا بعيده مره عنهم وحاولت اتاقلم الين الله خلاني احب المكان الي انا فيه لان احنا بس الي نقدر نغير نفسيتنا
ولاتحسبين الاقارب كلهم طيبين والله ان بعض الاقارب نكد ويملي حياتك مشاكل وغيبه ونميمه الله المستعان

امل قريب • 16 سنة

نجدية كول :

اول شي اذكري الله واحمدي ربك انك بصحتك وعافيتك .. ثاني شي انتي حطيتي في بالك هذا الشي وصدقتيه ومشيتي عليه .. نصيحه طلعي نفسك من هذي الحلقة بالتفاؤل ولا تحطين في بالك انك اذا ضاق صدرك تاكلين .. لا قولي مثلا اذا ضاق صدري بمشي نص ساعه .. وفعلا كل ما ضاق نفسك قومي وامشي لك نص ساعه المشي رهيب ويحرك الدورة الدمويه ويغير التفكير .. سوي لك علاقات اطلعي شوفي العالم .. واذا مرة ما قدرتي يكفي النت ويكفيك عالم حوا البنات هنا ما يقصرون والواحد اذا حس انه يتعاطى مع المجتمع ينسى نفسه .. المهم والأهم انك تكونين (( إيجـــــــابيه )) والحمد لله عندك امك وابوك وزوجك وطفلك ... اتمنى اني اكون افدتك ..:) واضحك للدنيا تضحك لك .. وابكي تبكي لوحدك ..

اول شي اذكري الله واحمدي ربك انك بصحتك وعافيتك .. ثاني شي انتي حطيتي في بالك هذا الشي وصدقتيه...

نفس اللي باقولة لك:26:

ام الأولأد الحلوين • 16 سنة

الأخوات ماقصرو ..التجئي الى الله دائما وتوكلي عليه في كل أمورك فهو المدبر سبحانه مافيه شيئ يصير في هذه الدنيا الا بامر الله..والحمدلله زيادة الوزن يمكن التغلب عليها بقوة الإردة التي أسأل الله ان يرزقنا وايك إيها..اتمنى انك تكتب عن قريب موضع تبشرينا فيه بأخبارك الطيبة.

أموله22 • 16 سنة

الله يجزاكم خير جميعا بس انا مو قصدي اشكي وابكي واندب حظي بس حابه اشوف هل انا لحالي اللي اسوي كذا اذا كثرت عليا هموم الحياة او في غيري لان اذا حسيت ان في احد مثلي مدريتهون عليا مصيبتي
بس تدرون اني والله ثم والله اني ما انتبهت اني احط حيلي في الاكل اذا تضايقت الا ها الاسبوع اول ماكنت احس اني اسوي اي شيء بس قعدت استرجع وش اللي خلاني ارجع اسمن
والله يعافيكم ويجزاكم خير ويخلي لكم من تحبون قولو امين

الأم نورة • 16 سنة

أنا مثلك إذا ضاق صدري من دون شعور أدرعم بالأكل ...أتذكر أيام الجامعة إذا طلعت من الاختبار ما جاوبت أروح طواااالي ع الكفتيريا و أطلب و آكل و أخلص و لا أحس بشئ لا طعم و لا سعة صدر ..إذا دريت و انتبهت على نفسي ألقاني خلصت الأكل ..و يجي لي عاد هم ثاني هم الأكل بعد هم الاختبار .. وراني كلت أبسمن و ووو ؟؟
أنا يا أختي خلاص قلت لازم الوحدة توسع صدرها على هالدنيا ...إسمعي أناشيد و أقرأي مجلات توسع الصدر مثل حياة و الأسرة و شوفي النت ..ويا رب لك الحمد .. إطلعي انت و بناتك للحديقة شمي هواء و إلعبي معهم غميمة ههههه ..و الله إذا الوحدة سمعت أناشيد تتحمس للحياة و تفكر أكثر بآخرتها ..
أنا ما أقول الأناشيد هي وسيلة للعمل الصالح بس ما أدري أنا إذا سمعتها على طول أحس بنشاط أقوم أفتح لي كتاب ..و أحفظ قرآن ...الحمد لله الحياة ملليانة بأشياء تخلي الواحد يبتهج بس إحنا المشكلة فينا حاصرين أنفسنا بهمومنا و لا نفكر نطلعها من أنفسنا ..
الله يهدينا يا وخيتي قولي آمييين ..

وكرري دائما هذا الدعا ء:
اللهم أصلح لي ديني الذي هو عصمة أمري ..و أصلح لي دنياي التي فيها معاشي و أصلح لي آخرتي التي فيها معادي و إجعل الحياة زيادة لي في كل خير و الموت راحة لي من كل شر ..اللهم آمين اللهم آمين ..:)