السلام عليكم ورحمة الله وبركاته

شخباركم ياحلوين؟؟

من كم يوم قررت اني اريح امي واسوي الغدا عنها .. عاد قلت مايصير اسويه بدون ماصوره ..

الغدا كان الله يسلمكم عيش بالجزر ودجاج مشوي وشوربة خضره وسلطه .. وصورته لكم من طأطأ لين السلامو عليكو من غسيل الدجاج لحد آخر شي

ونبدأ بسم الله بالدجاج ..

وبالنسبه للدجاج انا بعد صورت لكم طريقة غسيل الدجاج .. هالطريقه امي علمتني اياها والصراحه ماتخلي اي ريحة ازفره في الدجاج

بعد مانظفته وشلت الجلد منه (احنا مانحب الجلد وغير جذيه فيه هرمونات ضاره) غسلته بالماي عدل وحطيته في المله بهالشكل



وبعدها رشيت عليه ملح ودعكته وخليته شوي لان الملح يسحب الدم والزفر



بعدها رشيت عليه طحين وقلبت الدجاج فيه وخليته شوي لان الطحين يكمل اللي سواه الملح وترى ماعليه اي نقطة ماي وخليته شوي



بعدها صبيت عليه مافي وفركت الدجاج عدل عشان اشيل الطحين اللي لاصق عليه



وخليته في الماي متنقع لحد ماسويت الخلطه


يتبع ...
25-11-1428 هـ, 11:16 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1

كملي
25-11-1428 هـ, 11:23 صباحاً
 
وانيي الحين للخلطه

البهارات كانت الله يسلمكم
- نصف ملعقه صغيره فلفل اسود
- ا ملعقه صغيره بابريكا (فلفل حلو مطحون)
- 2 ملعقة طعام سماق
- شوية فلفل حار بودره حسب الرغبه
- ملح حسب الرغبه



عاد حسافه نسيت اكتب على الصورة بعد ماحملتها تذكرت

خضرة الخلطه كانت ..
- حبة بصل كبيرة مقطعه
- نصف حبة فلفل اخضر بارد مقطع
- 3 فصوص كبيرة ثوم مقطعه



المكونات السائله كانت
- عصير ليمون
- كاتشب



بعدين الله يسلمكم نحط المكونات كلها في محضر الطعام



وهذا شكله بعد مانضرب مسكين




يتبع ...
25-11-1428 هـ, 11:28 صباحاً
 
بعدها نغسل الدجاج عدل من الطحين والملح ونحطه في المشخاله (المصفاة)



نصف الدجاج في صينية الفرن ونكون قبلها مشغلين الفرن عشان يسخن



ونصب عليه الخلطه اللي سويناها ونحطه في الفرن



بعد مامر نص الوقت طلعت الدجاج وحطيت عليه قطع بصل عشان تنشوي معاه ودخلته الفرن يكمل سواه



وبجذيه نكون خلصنا الدجاج وننتقل للعيش


يتبع ...
25-11-1428 هـ, 11:33 صباحاً
 
مكونات العيش الله يسيلمكم كانت
- حبتين بصل مقطعين صغير
- 3 جزرات مبشوره
البهارات كانت ..
- 1 ونصف ملعقة صغيره هيل مطحون
- نصف ملعقة صغيره بزار (إن شاء الله بانزل لكم الخلطه قريب)
- ثلاثة أرباع ملعقة صغيره دارسين مطحون (قرفه)
- شوية كمون (على رأس الملعقة)
- كم خيط زعفران (انا حطيت بالاضافه للزعفران الخيوط شوية زعفران بودره)
وطعباً العيش مغسول .. احنا بعد مانغسله ننقعه في ماي حار ويكون اول الصبح في نفس الوقت اللي طلعنا فيه الدجاج المجمع ونقعناه عشان يفك .. العيش كميته كانت كوبين (احنا نستعمل الmug)

وهذه صور المكونات ياحلوين









نبدا بطبخ العيش

اول شي نحط الجدر على النار ونحط البصل ونخليه يتحمر






يتبع ...
25-11-1428 هـ, 11:49 صباحاً
 


الساعة الآن 02:13 .