باين شكله لذييييذ تسلمي
25-11-1428 هـ, 11:56 صباحاً
 
بعد ماتحمر البصل نضيف له الجزر المبشور ونقلبه ونخليه لحد مايذبل الجزر ويتغير لونه مع التقليب كل شوي







بعد مايذبل الجزر نضيف البهارات والماي المطلوب لتسوية العيش انا حطيت على كل كوب عيش كوبين ماي لان نوع العيش اللي استخدمته يستخدم كميه كبيره من الماي وزدت عليه نصف كوب او اقل شوي لاني عملت حساب للماي اللي بيتبخر .. ونخليه شوي يغلي عشان تتجانس المكونات مع بعض



بعدها نشخل العيش ونضيفه للمكونات السابقه ونقلبه ونغطيه ونخليه يستوي






يتبع ...
25-11-1428 هـ, 11:57 صباحاً
 
الحين نيي لمكونات الشوربه وطريقتها

المكونات ..
- بصل مقطع صغير
- ثوم مفروم
- جزر مبشور
- بطاطس مقطعه مكعبات
- مشروم مقطع اذا حبيتوا (انا الصراحه استخدمت سيقان المشروم لاني كنت مستخدمه المشروم نفسه في شي ثاني وقلت حرام ارمي السيقان وحطيتها في الشوربه)
- ذرة حلوه مجمده
- 6 ملاعق طعام شوفان
- مكعبين ماجي
- ملح وفلفل اسود حسب الرغبه
- مكرونة ترس او لسان عصفور او حروف او شعريه (حسب الرغبه) انا دايماً احط نوع من هالانواع بس هالمره ماحطيت وزعلوا الشباب مني و
- وساعات احط لها كوسا مبشوره (اغذيهم)





اول شي نحمر البصل ونحط عليه الثوم ونقلبه شوي بس انا نسيت اصور الثوم



وبعدين نضيف البطاطس والجزر والمشروم واذا حطيتوا الكوسا ونشوحهم مع البصل



بعدين نصب الماي المغلي ونحط الماجي والشوفان والمكرونه اللي اخترتوها اذا حبيتوا تحطون مكرونه والملح والفلفل الاسود والذرة ونخليها تستوي على النار ..




يتبع ...
25-11-1428 هـ, 12:08 مساءً
 
فى انتظار التكمله يم يم
25-11-1428 هـ, 12:09 مساءً
 
واخيراً وبعد الانتظار هذا غدانا المتواضع

العيش



الدجاج



احنا اكثر شي نحبه لما نسوي الدجاج المشوي صلصة الدجاج اللي تكون موجوده في الصينيه بعد مايستوي عشان جذي حطيتها وصورتها لكم



الشوربه



والسلطه



ههههههههه ادري بتقولون بيض على العيش وبيض على السلطه .. الله يسلمكم لقيت بيضتين باقيين قلت محد بياكلهم جان احطهم على العيش والسلطه عشان ياكلونهم

اتمنى انه يعجبكم وادري اني وااااااااااااااااااااااااااااااااااااااااااااااااااااااااااااااايد طولت .. بس شاسوي .. استحملوني

مع خالص حبي
25-11-1428 هـ, 12:15 مساءً
 


الساعة الآن 11:16 .