السلام عليكم ورحمه الله وبركاته

قبل فتره اشترى زوجي جريش اصفر وطلب مني اطبخ منه <<<واحنا مو من اهل الجريش ولا عمرنا سويناه
المهم دورت في النت ولقيت مضروبه الدجاج
عملتها وعجبته وكمان عملتها شوربه وكانت لذيذه وقرر انه مايخلى مطبخنا من الجريش
بعد ماخلص اللي عندنا اشترا بس نوعين واحد اسمر يقول البياع قصيمي بس ماعجبني زي الاصفر
والثاني وهذا المشكله جريش مطحون ناااعم
زي الدقيق وهذا اللي توهقت فيه

فكرت اعمل منه كيك خخخخ

ياليت اللي عندها طريقه لهالجريش تدلني الاخ طول عندي واخاف يسوووس
وجزاكم الله خير مقدما

غريبه جريش نااعم

الجريش القصيمي احسن نوع واطعم نوع واغلى نوع

قطعي بصل وحمريه على لنار وحطي عليه قطع لحم بالعضم وقلبيه شوي مع بهارات

وحطي عليه المويه وحب الجريش المغسول

وخليه يطبخ واهرسيه عقب وضيفي عليه حليب سايل بودره و يمي يممممممي

وفي زي الجريش(ماعرف وش اسمه) بس ماتخلينه يطبخ واجد بمويه بس ينتفش الحب وكل شوي حركيه بالشوكه (يعني تنثرينه) وعقب زيدي عليه كشنة بصل كبار وشوي كزبره مفرومه


المطحون اتوقع يصلح تسوين فيه شوربة الجريش او تسوين منه مصابيب مع شوي طحين بر

عليكم بالعافيه

تراه منجم فوائد وتكلمت عنه الدكتوره نور كثيررر
إذآ أتْعبتكَ آلآإْم الدُنيآإ فلآ تَحّزنْ . . !
فَرُبمآإ أحًبْ خَآإلِقُكَ سَمآإعْ صَوتُكَ وَأنتْ تَدعُوه!

اعذروني
انا في اجازه طويله جدا
مشكوررره يالغلا

وجزاك الله خير
اهلين حبيبتي
طريقة الجريش القصيمي مرة سهلة
اغسلي جريش مع رز مصري بمعدل الثلث وبعدين حطي ماء في القدر ودجاج ممكن صدر عشان ما يزعجك او كامله وحطي اجنا موتو الي يسمونه ما جي ابيض حق الطبخ الصيني و ملح ممكن بصل مقطع واذا غلى حطي الجريش واذا طبخ نص ساعة وطي النار وبعدين سيبيه كذا ساعة مع ملا حضة ان الما خمس اضعف الجريش واذا فتحتي القدر تلاقينه شرب الما وتضاعف حجمة خمس مرات تقريبا ابشري عليه علبه جبن شيدر وفكي علبة قشطة بعد ما تشيلين العظم حق الدجاج واضربيه بخلاط الكيك
واسكبيه بصحون صغيرة وزينيه بكميه وافره من الزبد ورشي مسمنة

او زينيه بالبصل المحمر بالزيت والزبدة والليمون الاسود مع السكر وقليل من القرفة

يمممممممممممممم يم
بالهنا
والي قالت الاخت عنه انه يشبه الجريش يمكن تعني تمن وهذا عراقي ابيض يشبه السليق بس له نكهه خاصة
اللهم بارك لي في ذريتي واستعملني واياهم في طاعتك[]
مشكوره عيوني عالطريقه وباذن الله اجربها


الساعة الآن 10:09 .