انا من نجد

الحنيني اللي يكون مطحون معه تمر

اما الفريك اللي يكون فيه بصل محموس وسكر بودره .

وهذي طريقتي رووعه

الفريك:

المقادير:
3ملاعق حليب بودره مذوبه بكأس ماء.
ثلاث ارباع كاس سكر
3بيضات
نص كاس زيت
1 ونص ملعقة كبيره Bp
شوي هيل مطحوون
كاسين الى كاسين وربع دقيق بر.

الطريقه :
سويها زي الكيكه واذا استوت خليها تبرد بعدين فتتيها .
حطي زبده بقدر وقطعي بصل صغار واحمسيه لين يذبل .
بعدين حطي الفريك واخلطيه مع البصل واذا حسيتي انه ناشف شوي زودي زبده ذايبه .
بعدين حطي سكر بودره الكميه اللي تبين وحركيها .

وقدميها بالعافيه
26-11-1428 هـ, 03:16 صباحاً
 
كل ناس لهم اسم......اهل الرياض نسوي الحنيني خبز بر نسويه على الصاج او نشتريه جاهز بس يكون نصف سوا ونحط تمر وسمن ونطحنهم في طاحون (اللحم) ونقصر النار عليه مع التقليب بين فترة وفتره لحد ماتطلع نكهته وريحته .......
المحلى دقيق اسمر مع تمر منقوع في مويه وقليل فلفل اسود ويقلب على النار لين يثقل ويصير قوامه لاهو سايل ولا ثقيل يعني ينوكل باطراف الاصابع وبعد الغرف ينحط فوقه السمن المقشوط وشوي فلفل اسود وهذا ناس يسمونه عصيد بس اهل الرياض يسموه محلى....
و مانحط أي نوع بهار ثاني غير اللي قلت وفقط في المحلى إما الحنيني بس طعم التمر والسمن والبر ويطلع بصراحه روعه
26-11-1428 هـ, 04:15 صباحاً
 
شذوو

تسلم ايدينك بصراحه طريقة الفريك مررررره جديده علي معليش (مافيه تمر) شكلي بجربه وشكله الاصلي شكرا

ساما

شكرا ما قصرتي بس ما وضحتي وشو الحنيني حقكم عشان اعرف الفرق بينه والفريك
28-11-1428 هـ, 04:01 مساءً
 
انا من نجد وتحديدا من سدير
وحنينيا زي حنينيكم...<<<<<<<<اعجبتني هالقافيه...
الحنيني...: خبز بر تصلحه على الصاج...ونعبطه مع التمر الخلاص افضل(او اي تمر مكنوز) والزبده..
الفريك...: خبز بر نفس حق الحنيني بس يفرم ناعم بفرامه اللحم او بالطاحونه...ويحط معه سكر وشوي زبده..
28-11-1428 هـ, 06:25 مساءً
 
نفس كلام الأخت Ms Busy
28-11-1428 هـ, 08:46 مساءً
 


الساعة الآن 06:17 .