هل سبق وأديتي فريضة الحج ؟ احكي لنا ؟

حتى انا اتمنى ان البنات يفيدونا من تجاربهم لانى ان شاءالله ابحج هذى السنه والله يوفق الجميع

يا لا يا أخوات
ما في أحد حج ؟
كل القصص
أي قصة أو أحداث أو حتى أحاسيس
سعيدة ... حزينة ...

السلام عليكم
كم تمنيت احج هذى السنه لكن ماحصلت لى عمرى ماحجيت واتمنى قبل ما موت احج ادعولى بنات والله يابنات قلبى يعورنى السنه هذى طعمت وخلصت كل الاجراءت لكن مافى محرم أأأأأأأأأأأأأخ ياقهر

هلااا بنات انا حجيت .. الحمدلله

وأهم شئ ,, أهم شئ قبل ماتحجين تقرأين كتب عن الحج: من أول ماتحرمين الى حجة الودااااع .. واقرأي كذلك في النت واسمعي محاضرات

تروحين وانتي عارفه وش بتسووين .. وش المحظورات والواجبات والمستحبات والسنن .. تحاولين قدر الامكان ان يصير حجك تمااام عشان اذا رجعتي ماتتحسفين خصوصا أنها قد تكون حجتك الاولى والاخيره مايدري الواحد عن عمره ..

اكتبي في دفتر كل اللي تحتاجينه من أغراض .. وانا صراحه استفدت كثير من بنات حواء .. سوي بحث وان شاء الله تلاقين المواضيع

من اللحين ابدأي اكتبي .. اذا جيت ترتبين شنطك .. قد تنسين أشياء مهمه لكن اذا صرتي كاتبتها ومرتبتها راحه أكثر ..

بخصوص الملابس انا من رأيي تاخذين ملابس صيفي .. مكه مهما كانت برد مايكون بردها قاسي بس خذي احتياطا جكيت وشال وشراب يمكن تبردين .. و لاتزحمين شنطتك بملابس شتويه ..

الشرابات كثري منها .. لأن الحرم والممرات مع الازدحام تتسخ .. ترمينها على طول بعد اللبس ..

الطرح والشيل خذي أكثر من وحده .. مع العرق والحر لازم تغسلينها

خذي معك كيس استحمام .. تحطين فيه ملابسك اذا جيتي تستحمين عشان ماتبتل .. الحمامات تكون صغيره

خذي معك شنطه صغيره وخفيفه لتنقلاتك : للحرم وعرفه ومزدلفه .. تحطين فيها الاغراض الضروريه : جوال - مصحف - بندول - مناديل - حبوب منع الدوره اذا كان وقتها - ........... الخ

وهذا اللي أذكره اللحين .. والله يسهل حجكم ويتقبل منكم

غاليتي هنيئا لك الحج
وانصحك بضرورة سماع محاضرات عن الحج
حتى تعلو الهمه ومن هذه المحاضرات
عرفات عبر وعبرات قمه في الروعه للشيخ ابراهيم الدويش
وشريط دمعةه في الحج للشنقيطي رائع جدا
يوم عرفه لا يضيع منك بالكلام ولو كان الكلام مباح
تذكري هذه العباره تذكريها ولا تنسيها ابدا كان احد السلف اذا حج
{ كالحية الصماء من شدة صمته} طبعا الا من ذكر الله
اي طلب امري انا مستعده
وحيا الله ضيوفنا ضيوف الرحمن < من مكه>