عملت صينية دجاج لقيت طريقتها عالانترنت بس والله ماني متذكرة اسم صاحبتها المهم طلعت رهييييييبة يا رب تعجبكم
المقادير
صدور دجاجة او دجاجة مقطعة حسب شو عندك
ملعقة زيت
ملعقة زبده
فليفله خضراء مقطعة صغير
فليفله حمراء مقطعة صغير
فطر
بصله مفرومه
ملعقة اكل خل
نصف كوب معجون طماطم او اربع ملاعق
ملعقتين طحين
جبنه موزوريلا
ماء مغلي
الطريقه
نملح ونبهر الدجاج منيح على النار حمى ملعقة الزيت واقلي قطع الدجاج على الجنبين حتى يحمر لونها
في طنجرة تانية ضعي ملعقة الزبده وذوبيها واضيفي فوقها الطحين وقلبيه حتى يشقر لونه
ثم اضيفي الخضروات جميعها فوقها
نقلبها على النار جيدا لمدة 5 دقائق تقريبا ثم نضيف معجون الطماطم وحوالي ثلاثة ارباع كوب ماء مغلي
مع ملعقة الخل
ونضيف قطع الدجاج
ونقلبهم جميعا جيدا ونتركها على النار لمدة عشر دقائق او ربع ساعه حتى يستوي الدجاج جيدا
يسكب في صينية للفرن وترش على وجهها الجبنه ممكن ترشي شوية جبنة حسب رغبتك بس انا زوجي واولادي بحبوا الجبنة عشان هيك بزودها شوي
ادخليها للفرن حتى تذوب الجبنة
نقدمها ساخنه مع الارز الابيض طبعا طريقة التقديم غير مرتبة عالسرعة ان الجيش كانوا جوعانين
المهم يا رب تعجبكم
مع تحيات ام علي