السلام عليكم
زي ما قريتوا فالعنوان فان هناك فرقا بين قرصان اهل الرياض و قرصان اهل القصيم
وانا اود ان اتعرف على نوع قرصان اهل القصيم و كذلك كشنة البصل
قرصان اهل الرياض يستخدم فيه القرصان الناشف
بينا اهل القصيم يستخدمون الرطب ولكن ماذا يفرق عن قرصان المرقوق؟ ياليت اللي تعرف توضح لنا
ولماذا تستخدمون الحله او الصينيه ليش ما تصلحونه في قدر ثم يغرف في حافظه او صحن تقديم؟
ودي اعرف كل هالامور
وشكرررررررا

إعلان

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا اختي..
هههههههههه حسيت انا يالقصيميات كشخه

بالنسبه لسؤالك
القرصان مو مثل حق المرقوق ..اللي نستخدمه بالمرقوق نسميه سليب وهو مثل القرصان بس ما استوى..يعني تجمد العجينه ويكون لونها غامق شوي بس ماتتشقر..

والقرصان نستخدم الرطب على قولتك بس هو مو رطب لا الفرق انه مو خفيف مره عشان كذا يكون يابس..

ونستخدم الحله عشان مايتعجن..ويصير حلوو..وهو الافضل ما يكون طبقاته كثيره..لا نحطه بحله افضل..واذا بعزيمه يكون بحافظه ارتب واكشخ..ويكون مرتب وشكله يفتح النفس
لو بقدر بينحاس عباس مع دباس..

كشنه البصل اللي نحطها بين طبقات القرصان وعلى الوجه في النهايه..

بصل صغار مرره يكشن بسمن..وبعدين شوي بهار وليمون اسووود..

وهني وعافيه..

اتمنى اكون افدتك..
القرصان اليابس هو حق القرصان والرطب هو السليب وعادتنا يستخدم للمرقوق لانه خفيف على المعده انا عاشرت اهل الرياض وانااقصميه نفس قرصاننا قرصانكم

لبنات الرياض
نجهز لك الاكلات السعوديه واكلات لعزيمتك سواء شعبي شامي صيني جميع انواع الصواني و والمحاشي والحلى والفطائر باايدي قصيميات ماهرات ايضا نجهز اكل للنفاس والقهوه وتبهيرتها والاكلات المفرزنه يوجد توصيل مع المندوب للحجز0553826245 باادارة ام عبدالعزيز
هنا صور لبعض أكلاتنا المشكله
http://forum.hawaaworld.com/showthread.php?t=2305003

منيو ام عبدالعزيز الجديد
http://img152.imageshack.us/img152/42/11491445.gif
هنا اراء زبوناتي
http://forum.hawaaworld.com/showthread.php?t=1758367
تدريب الشغالات على الطبخ والتنظيف
http://forum.hawaaworld.com/showthre...7#post35216017
السلام عليكم ياخواتي
انا قصيمية ...
وهناك فرق بين القرصان و المرقوق و السليب
القرصان
تعجن العجينة (بر +ماء) وتترك قليلاً ثم تقطع دوائر اصغر من البرتقالة وتعمل مثايل ثم تحمى المقرصة وتقرص القرصان الخفيفةوتوضع على المقرصة من الوجهين يعني ينضج ثم يقطع ويوضع في الحلة ويوضع فوقة البلول ( المرق )عبارة عن مرق لحم +طماطم + قرع +كوس حسب الرغبة +ملح + بهار +بصل الماءحسب الكمية يعني لايغطي الخضار
ثم يقطع القرص ويصب فوقة البلول ويرش بالبصل الني مع المسمنة وهكذا حتى نهاية المقدار ثم يرش بالبصل مع المسمنة
ثم يدخل الفرن على نار هادئة جداًجداً.... وبالهناء والعافية
المرقوق
تعجن العجينة (بر +ماء) وتترك قليلاً ثم تقطع دوائر اصغر من البرتقالة وتعمل مثايل ثم
بعد نضج المرق ( المرق )عبارة عن مرق لحم +طماطم + قرع +كوس حسب الرغبة +ملح + بهار +بصل +الماءحسب الكمية يعني يغطي الخضار
ترق القرصان حتى تصبح رقيقة ثم توضع فوق المرق وهي نية يعني بدون مقرصة وتوضع على النار من اعلى الغاز مدة ساعة
السليب
تعجن العجينة (بر +ماء) وتترك قليلاً ثم تقطع دوائر اصغر من البرتقالة وتعمل مثايل ثم تحمى المقرصة وتقرص القرصان الخفيفةوتوضع على المقرصة من وجة واحد يعني ليس ضروري النضج للقرص وتعمل مثل المرقوق
لتين
لمسات من الشوق
ام يزن
تسلمووووووووون على التوضيح
جزاكم الله خير


الساعة الآن 05:49 .