سامحيني يا عمري بس والله كنت مشغولة قاعدين نحضر لعرس اخوي
الفال للي ما اعرررررررررررررررس قولوا آآآآآآآآآآآآآآآآمين
ولما الحين ما خلصنا من خياطين وغيره لي ولبناتي
الله المستعان وسامحيني الحين بجيب طريقة الحلوى المسقطية واكتبها لك
شوفي يا هوى الغالي
هذي الطريقة سهلة ولذيذة بالذات لللي يسونها اول مرة
المقادير:
3ونص كوب سكر -ملعقة شاي صبغة صفراء بودر
علبة زبدة متوسطة(227غرام) -3ونص كوب ماء
ربع كوب ماء ورد + زعفران - كوب ساجو مطحون
3ونص ملاعق كبيرة نشا - هيل + مكسرات للزينة
قطرات من الصبغة البرتقالية

الطريقة:
_ يضاف كل من النشا والساجو على الماء ويترك لمدة ساعتين.
_ يوضع السكر على نار هادئة ويحرك حتى يذوب وياخذ اللون الذهبي، وبعدها يضاف
_ الزبدة ويحرك جيدا( لا يحترق السكر اذا احترق يطلع ريحة مو زينة بالحلوى)
_ يضاف ماء الورد والزعفران والهيل والصبغة الصفراء على ما سبق وبعدها يضاف
_ ما تبقى من مقادير، الماء المضاف له الساجو والنشا وتحرك جيدا دون توقف حتى تتماسك
_ وتتجانس مع بعض.
_ وبعدها تصب وهي ساخنة في طبق عميق مع اضافة الهيل والمكسرات لها اثناء صبها
_ وكذلك على سطحها للزينة.

ملاحظة : الساجو يكون شكله حبوب صغيرة بيضة ومدورة وقاسية ويصعب طحنها
_ لذلك اقوم بدقها بالجرن النحاسي لانها قاسية او بمكنة طحن القهوه على دفعات
_ وبعد الطحن تكون على شكل بودرة

***** الله تعجبك طريقتي والله انها حلوة وسهلة وسامحيني على التاخير:24: :24: :24: :24:
مسموحه يالغاليه والف الف الفشكرلك وبارك الله فيك ووفقك لكل خير.
:24: :24: :24:


الساعة الآن 10:37 .