بشرينا عنك والله يكتب لك الي فيه الخير

الله يرزقك و يرزقنا جميعا الذرية الصالحه و الحمل الصحيح السليم في هذه الايام المباركة

عندي نفس الاعراض الف في الظهر و مغص و صدري يعورني الله يفرح قلوبنا و قلوب ازوجنا و عوايلنا في هذا الشهر الفضيل يارب

اختي الله يتمم حملك بخير و يبارك ليك فيه
ممكن تعطينا تليفون المراخة الله يجازيكي خير

للرفع

شوفو عزيزاتي
بقولكم قصتي من شهر شوال وكيف صار معي الحمل ..

أول ما جيت من عند أهلي ثالث العيد سافرت ل زوجي وجاتني الدورة يوم 17-10-1428هجري.
وانتهت يوم 23 -10 وبعد الدورة بيومين قالت لي أم زوجي ليش ما أجيب لك ممرخة تمرخ لك يمكن معك ميلان رحم خص ان الميلان ما يجي الا من كثر الوحدة ما تشيل اشياء ثقيلة حيل ,, وأنا لحظت يا بنتي أنك تشيلي كثير أشياء ثقيلة زي كنب البيت والشنط لما تروحي عند اهلك تسحبي فيها ..

عاد أنا قلت لها عشان ما اكسر في خاطرها جيبيها رغم عدم أقتناعي بشغلة كلها .. المهم طولتها عليكم ..

جبتها وشافت بطني وقالت يا بنتي كيف تبغي تحملي ورحمك مايل وكان فعلا جنبي اليسار يوجعني وخص وقت الجماع عاد أنا استغربت وجلست تمرخ فيني بزيت الزيتون وتحس سرتي وتقول رجعت مكانها وشوي وجابت قطعت قماشة فيها حبة بركة مربوطة ومسويتها زي الفتيلة وغمت راسها بزيت وولعت الكبريت وحطت القماشة وشكلها زي البقشة في سرتي وراس البقشة مولع نار وبعدين على طول غمتها بــ برطمان جبنة بوك وسبحان الله انطفت النار لما خلص الاكسجين ورتفعت البطن فوق داخل البرطمان وسوت الحركة هاذي مرتين وفي ظهري مرة .. وقالت راح تدكريني بــ الخير يا بنتي ولا تشيلي شي ثقيل ولا تتحركي لمدة اسبوعين ..

جلست طول الفترة هاذي استغفر وادعي أن يكون ميلان الرحم سبب منع الحمل ولا اي شي خطير ثاني ..

وأدعي وادعي أن ربي يكتب لي حمل وكنت اصلي الوتر وادعي وبعدها اقرء سورة البقرة كل يوم جزء الى صلاة الفجر اصلي الفجر وارقد وعلى هاا الحال الين موعد الدورة ..


ما كان فيني صبر اصبر الين اشوف موعد الدورة ,, ارسلت زوجي قبل موعد الدورة بسبوع ل صيدلية يجيب تحليل الحمل وفعلا طلع خطين وعلى طول جاء في بالي كلام الممرخة العجوز لما قالت لي : رح تدكريني بالخير يابنتي .

ورحت حللت في المستشفى الصباح وقالو مبروك حامل .

مادري شرحي واضح ام لا ,, بس كل اللي أبغا اقوله لا تستهونون يا بنات بالطب الشعبي .. والله والله الممرخة تحلف أن في حرمة لها 25 سنة ما تنجب مرخت لها وحملت بعد 25 سنة
وهي لها خبرة كبيرة لان أمها قبلها كانت تولد وممرخة معروفة وهي أخدت صنعت أمها .. وعلى فكرة هي ما تطلب فلوس أنا لما جبتها البيت عطيتها 50 ريال وأخدتها ولا قالت زيدي ولا نقصي يعني على كيفك تعطيها اللي فيه النصيب ..

عموما هي ماعندها رقم جوال ,, أنا من تزوجت رحت جزر فرسان في الجنوب مقر عمل زوجي وهي هناك ودلتني عليها أم زوجي .. واي وحدة تحب تجي للجزيرة حياها الله أستظيفها عندي في البيت واجيب لها الممرخة واذا مو حابة تجيني البيت تروح الفندق وانا اجيبها لها ..
والله والله اني ما أسوي كذا لشي بس لاني حاسة فيكم وابغاكم تفرحون بالضناء زي والله لا يحرم كل متزوجة من الاطفال ..


___________
على فكرة للي حابة تعرف وين جزر فرسان وكيف توصل لها تعمل بحث في قوقل عن جزر فرسان وراح تجيكي معلومات كثيرة ,,

أنا الان عند اهلي في المنطقة الغربية ,, لان الوحام زاد علي مو قادرة أخدم نفسي وجالسة عند امي وراجعة جزر فرسان 25 -12-1428 هـ

يعني اللي حابة تجي هناك ياليت تجي على شهر محرم عشان اكون هناك واساعدها

واي استفسار أنا في الخدمة