فزعتكم يابنوتات..

السلام عليكم ورحمة الله وبركاته


معكم اختكم كتكاته عضوه جديد واول مره اشارك معاكم


بصراحه حبيتكم وحبيت مشاركاتكم وتفاعلكم مع المشاركات الله يبارك لكم ان شاء الله ..




بيني وبينكم ياأمورات انا داخله على الله ثم عليكم عندي مليون شغله وشغله الفتره الجايه


وابي مساعتكم..


حاليا مقبلين على موسم العيد وبعد العيد فيه عندي امتحانات شهريه وبعد الامتحانات الشهريه اسبوع وبعدين امتحانات نهاية السنه..


والسنه هذه مصيريه يعني مااقدر افوت ولا دقيقه..


المطلوب ياحبايبي..

بين الترمين يعني بالضبط في تاريخ 29-1

عندنا مهرجان تنشيط سياحي في المدينه اللي أنا فيها على مستوى برعاية اهم الشركات ومن ضمن المهرجان خيمة للفتيات فقط

حاليا اعطونا احنا8بنات رئيسات ومشرفات

الزبده بما انكم ماشاء الله كلكم عندكم افكار وحركات ابي استفيد منكم يعني مطلوب نجهز جدول فيه اهم الاقسام والفعاليات في الخيمه

ابي مساعدتكم اذا حضرتوا اي ملتقى للفتيات ياليت تعلموني ايش فيه اشياء مميزه صارت

وايش اهم الاشياء اللي لازم يحتويها الملتقى والفعاليات والمسابقات اللي تجذب البنات


واهم شئ الجوائز يعني انتوا كبنات وش خاطركم فيه تربحون وترى الميزانيه مفتوحه


ودي بعد اخذ افكاركم في الاعلانات كيف تجذب البنات وتغريهم في الحضور للملتقى وايش ببالكم اشياء توزع مجانا وياليت اللي شاطره في الفوتو شوب اذا كانت فاضيه الفترة الجايه الله يجزاها الف الف خير تبلغني لان ودنا اللي يصمم الاعلانات تكون بنت انتوا عارفين ليش عشان تفهم ذوق البنت وايش اللي يشدها..
واقسام البيع وش ودكم تشوفون

ومن هالكلام

الله يارب يجزاكم الف خير ويرحم والديكم ويجعلها في موازين حسناتكم امين..