Analysis Services
السلام عليكم خواتي
انا اول مرة اشارك بالمنتدي مع اني كل يوم ادخل اقرأ وتبون الصراحة صارت عندي افكار وهذا كله بفضل الله ثم بفضلكم يا بنات المنتدي صرت مدمنة عالم حواء
خواتي الغاليات انا بسافر عقب 15 يوم الي لندن وحبيت استفسر عن اسواقها ومنتزهاتها ومجمعاتها ووين اودي الاطفال اذا عندهم حدائق غير الهايد بارك واذا كانت عندكم فكرة عن سوق شبربوش اذا كنت كاتبتنه صح لاني وايد اسمع عنه
وغير عن شارع اكسفورد والهارودز ارجو لمن لديها خبره تقولي عليها ولا تبخلون علي واتمني انكم ما تطنشوني عشان انا يديده عليكم وجزاكم الله الف خير في الدنيا والاخره
28-05-1424 هـ, 08:12 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
سلام

هلا أخت وردة الشارجه..بالنسبه للندن فالسوق فيها لوحده متعه..مثلا زي ما قلتي شارع أكسفورد..و شارع ريجنت اللي يتقاطع معه..وكمان هارفي نيكلز و هارودز <---في النايتس بريدج..سيلفريدجس و دبنهامز في أكسفورد ستريت و البوتيكات اللي النايتس بريدج..وبالنسبه لشبربوش اللي قلتي عنه ففيه أشياء مره رخيصه أنا بصراحه ما أروح بس لما تروح الوالده تلقى فيه أشياء غريبه (بس يخوف)..والصانداي ماركت روووعه فيه أشياء غريبه وتلقيطه..
والكنج ستريت كله محلات الماركات..

وفيه بوتيكات كتكوته وتجنن بس كل وحده بشارع غير لما أتذكرها حقولك..
29-05-1424 هـ, 12:28 صباحاً
 
مشكورة وايد وايد يا بنت الرياض علي هذي المعلومات الحلوه انتي الوحيده الي عبرتيني ورديتي علي
وبالنسبة للشبربوش ليش يخوف شو فيه يعني ؟؟؟؟
بس بغيت تعطيني شوي معلومات عن الحدائق ويا ريت تكملين جميلج وتقولين لي عن البوتيكات الكتكوته
وجوها في الصيف شو يكون يعني نشيل ملابس ثقيله والا عادية صيفيه واشكرج من كل قلبي عزيزتي والله يوفقج
29-05-1424 هـ, 07:14 مساءً
 
شوفي الرابط هذا ان شاء الله يفيدك
اللي عندها خبره بلندن تدخل بليز بليز

الحدائق عندك الهايد بارك
و ريجنت بارك فيه جزء منها حديقه حيوان

لا تنسين تروحين london eye
وهذي صورتها تقدرين تشوفين لندن كلها من خلالها




الجو متقلب هاليومين يوم حر ويوم برد ويوم مطر يعني الملابس جيبي النوعين
30-05-1424 هـ, 12:53 صباحاً
 
مشكورة اختي اوراق الزمن والله كفيتي ووفيتي عزيزتي ويزاج الله الف خير
بس عندي سؤال الاخت بنت الرياض قالت لي انه شبربوش يخوف من اي ناحية يخوف يعني يصلح اودي عيالي معاي هذي المنطقة والا لا وايش اقول حق راعي التاكسي يعني شو اسم المنطقة والا اقوله اسم السوق وهو يدله ؟؟؟؟
لانه وايد اسمع فيه يمدحونه والله محتاره
ارجوا اني ما ازعجتج وسامحيني اختي اذا ثقلت عليج
30-05-1424 هـ, 07:27 مساءً
 


الساعة الآن 09:35 .