ودي اعرف وش الي يعطي الكبسه ريحه حلوه انا احط في كبستي لومي دارسين شوي بهارات بصل طماط ملح كل هذا مع الدجاجه وهي تطبخ بعدين اكب موية الدجاجه على الرز والدجاجه احمرها بس ريحة الكبسه عاديييييه جدا .. والله اني انقهر اموت اذا رحت لاحد وشميت ريحة كبستهم تهبببل مدري وش يحطون .. يااااااااااااااااااااااااليت احد يقولي ترا من جد الموضوع محيرني وصار اقرب للامنيه والي تساعدني ابدعي لها بالجنه وارسلها شوي من كبستي ام ريحه حلوه.
29-05-1424 هـ, 06:24 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
والله أختي أعتقد البهارات.. أحنا بالامارات نسوي البزار وهو خليط من جميع البهارات.. وفي الأكل نحطي منه.. وهو اللي يخلي للأكل ريحة طيبة.. وينفع للمجابيس وللصوالين وفيه حد يستخدمه حتى للمعكرونه ووووووووو..بس مادري للمطاعم ماقد أكلت من عندهم مجبوس..

هيه نسيت أقولج حطي كم ورقة من ورق القار.. وبيت أختي يحطون شوية زعفران ويعطي المجبوس نكهة وطعم..

وبعد وانتي تقلين البصل حطي البهارات الكاملة مثل القرنفل والفلفل الأسود والقرفة وهالطريقة بعد فيها ميزة انها تطلع الأكلة ريحتها حلوة.. مثل أكلات الهنود أمممممممممممممم

****لله بس أفدتج.. وزيدي من البهارات المرة الياية..

وبالتوفيق الغالية
29-05-1424 هـ, 08:13 مساءً
 
السلام عليكم
أنا كنت زيك حيرانه بس عرفت السبب
اولا في ماء سلق الدجاج حطي (فلفل اسود وقرفه وهيل )غير مطحونه حطيها في الصفايه الخاصه إذا ماتحبيها تختلط مع الاكل وقطعي بصله وحطيها على المرق ورشي شوي كمون واسلقي الدجاج عادي...واسلقي فيها الرز
بس النكهه الحلوه راح تكون في البصل اللي تحطينه على الوجه...قلقلي البصل بالزيت وحطي عليه البهارات التاليه:
مسمنه(هذي اهم شي في السالفه تكون مطحونه ولونها بني زي البن وتلاقينها عند العطار) بس انتبهي في خلطه اسمها مسمنه للتسمين ماهي بهارات ...لا تتلخبطين وتشترينها
مع المسمنه حطي ليمون اسود وقرفه مطحونه وهيل مطحون رشه بسيطه ...واي بهارات مشكله عندك...
البصل حطيه على الرز قبل لا تغرفينه(تنشبينه)وخلي الرز ينكتم شوي معاه ...وحطي فلفل حار اخضر غطسيه بالرز عشان ياخذ نكهته بس
وبعد ما تغرفين الرز وتحطين البصل على الوجه ..حطي عليه ليمون شرايح وفلفل أخضر رومي(هذي ماهي للزينه بس...هذي بعد تعطي نكهه)
وادعيلي بعدها....صدقيني البنات كلهم عاجبهم رزي ولله الحمد...
30-05-1424 هـ, 01:04 صباحاً
 
هلا اختي رديتى علشان تدعين لى000اتفقناااا كل مره تصلحين كبسه

السررر انك اذا كبيتي الرز ونشفت مويته 000تكونين مقطعه بصل ناعم وتحمسينه بالزبده حتى لين ثم تضيفين شوي زبيب

وشوي حب الرمان وتحركين مده قصيره وتطفين عنه 00خلصنا

طيب انتي وش تبين تكون كبستك حمراء والا صفراااا


والا بيضاء 0000بيض زي القشطه000

المهم 0000تحطين على الكشنه اللى هي البصل لبهارت عاديه اللى تستعملين000وتحركينه معه وتحطينها على الارز اول

ما ينشف من الماء وتطوى النار عليه مره ويجلس كذا نص ساعه علشان يتمسمس مضبوط

تطلع الكبسه بيضاء



اذا حبيتي كبسه حمراء تحطينمع البصل م ك صلصه مع البهارتوتسوين زي اول

اذا حبيتي كبسه صفراءءء حطي مع الحمسه مصفر مع البهار وسوي مثل اللى قبل


وردي على با النتيجه وشكرااااااا
30-05-1424 هـ, 01:29 صباحاً
 
ايه نسيت البصل مو ضروري يكون ناعم ممكن اجنحه او مكعبات كبار 000وحطي مع الرز اذاكبيتيه حبحررر اخضر

ودارسين وسلامتك000
30-05-1424 هـ, 01:33 صباحاً
 


الساعة الآن 01:10 .