مراحب

الي يميز الكبسه عندنا في الامارات

اللومي اليابس ( الناشف) وتحمسينه مع البهارات
وشيء مهم في المجبوس تكثرين الزيت شوي غير عن الطبخات الباقيه

وان شاء الله اكون افدتج
المسافره .. مدري البزار هذا موجود عندنا في الشرقيه ولالا يبيلي اشوف
ام توتي .. الضاهر ان المسمنه هي السر لان اذكر وحده قالت لي عليها وكان لكبستها ريحه حلوه بس قالت لي انها تجيبها من المدينه او الرياض والله نسيت المهم فهمت منها انها مو موجوده بالشرقيه عشان كذا نسيت الموضوع مدري اذا احد يعرف وين القاها بالشرقيه؟؟؟ ام توتي تقولين حطي ليمون اسود مع المسمنه قصدك مطحون يعني ؟؟
الام الحنون1 .. هين لون الكبسه مو مشكله بس الريحه هي البلا بس حب الرمان مو حالي ؟
عطور.. اللومي اليابس مايخلي الكبسه حامضه؟

وكللللللللكم بدعيلكم ****لله.
هلا لما
إيه الليمون الاسود يكون مطحون ...كل اللي ينحط على البصل مطحون
وأتوقع تلاقين المسمنه إنتي إجتهدي ودوري ...لا تيأسي من أول محل.... لأني أنا بعد شريتها من الرياض...والمشكله اللي موجودين في هالمحلات أغلبهم أجانب مساكين مايدرون وش السالفه.... وإن شاء الله تحصليها
لماااااااااا

إذا تبين تعرفين الـــــــســــــــر عندي

وماأبي منك غير دعوة صادقة في ظهر الغيب :24:



شوفي أختي
اسلقي الدجاج مع البهارات العدلة التالية:
(هيل + دارسين / قرفة+ مسمار / قرنفل + فلفل أسود + ورق غار + كزبرة ناشفة غير مطحونة + ثوم يابس حسب الرغبة)

ومع بصلة مقطعة أرباع وشوي زيت مو ضروري تحمسين البصلة على حسب رغبتك
طبعاً لا تنسين الملح

طبعاً أكثر شي يخلي الريحة مميزة هو البصل و ورق الغار والكزبرة الناشفة العدله
طبعاً أكيد تعرفين الكزبرة الناشفة, يعني مو الخضراء الطازجة ... لااااااا
تكون على شكل كور صغييييييييرة جداً تقريباً قد حبة الفلفل الأسود أو أصغر بعد
وريحتها جنااااااااااااااااااااااااان مع الرز

بعدين يا حبيبتي

تكونين منقعة الرز لا يقل عن نصف ساعة الأفضل يعني
بعدين تطلعين الدجاجة وتدخلينها الفرن على حرارة هاااااادئة وتحمرينها عند التقديم

وتصفين مرقة الدجاج ... وتكبين عليها الرز


وتكشنين بصلة أو نصف ... تكونين مقطعتها يامربعات صغار أو جوانح على حسب رغبتك
ولما تذبل أو يصفر لونها مو يصير بني فاتح لاااا بس يصفر
ضعي عليها البهارات المطحونة اللي عندك + شوية زعفران + شوية ملح
وان رغبتِ أضيفي شوي كمون مطحون + قرفة مطحونة + كاري

وقلبيها على نار متوسطة

وقبل لا يستوي الرز يعني لما تنشف مويته شوي
ضعي هذه الكشنة فوقها مع حبة أو حبتين من الفلفل الأخضر الحار بدون تقطيع
وغطي القدر مرة ثانية
واتركيه إلى أن ينتهي

ويا سلاااااااااااااام على الريحة الحللللللللوة وعلى الطععععععععم اللذيذ

ياليت تجربين هالطريقة وتقولين لي
☎ لاستفــساراتكن ❀تفضــلن ☎دليـل المميزه ╰☆╮حياكن المــولي ╰☆╮

★ ☆ ✮ قوانين القسم - فهارس البلدان - هدية متميزة متجددة لكم ★ ☆ ✮

دليل الأسواق البريطانية Uk Shopping Index
الرابط موجود أيضاً في أول رد من التجمع وموضوع الأسواق
* إذا لم تفتح روابط موضوع الأسواق حاولي فتحها بمتصفح (browser)آخر
أو تحميل الملفات أسفل كل قسم في الموضوع




حبيبتي انا احطي في المجبوس ورق الغار مثل ماقالت الاخت المسافرة والبزار والكاري والتندوري واللومي اليابس والهال المطحون والثوم والزنجبيل هذا غير الطماطم والكزبرة وغيرها بس شو تطلع ريحتة روعة وكل حد يحب مجبوس ام على..


الساعة الآن 12:40 .